راولپنڈی۔ 30مئی (اے پی پی) اینٹی نارکوٹکس فورس ملک گیر انسداد منشیات کارروائی تیٹی بھلو کچ اسے ٹی منشیات دوئی کرے۔ اے این ایف ترجمان نا رداٹ اے این ایف نا منشیات نا برخلاف سرسہب کارروائی تا چرجوئی برجاءِ۔ سے شنبے نادے آ اسلام آباد ترنول نا خڑک نوشہرہ نا ہنکینی دوبہ دار اسے آن 3 کلو 300 گرام چرس دوئی کننگا۔ کراچی انٹرنیشنل ایئر پورٹ فلائٹ نمبر TG 341آن بنکاک آ ہنوک آ دوبہ دار اسے نا ٹرالی بیگ آن 8160 نشئی ءُ گولی دوئی کننگا۔ دالبندین سرگل نا خڑک جھاڑی تیٹی اودیم کروک آ 20 کلو ہفیم دوئی کننگانے۔ ترجمان اے این ایف نا رداٹ دزگیر دوبہ دار آتا برخلاف منشیات تور ایکٹ نا رداٹ مقدمہ درج کرسا جاست وپاست نا بناءِ کننگا۔
