کوئٹہ۔ 30 مئی (اے پی پی) وزیر داخلہ بلوچستان میر ضیاء لانگو پارینے کہ سیاست آن ایڑتر مرسا الس ناخذمت نا جوزہ تخنہ، ضلع قلات نا ہرا علاقہ غاتیٹی بجلی نا لوڈشیڈنگ /بجلی مفننگ نا بریبر ءِ ہمو علاقہ غاتیٹی سولر سسٹم فراوان کینہ، او تینا بیان اٹی پارے کہ زرگزرانی شونداری وورناتیکن روزگار ناوارخواہی فراوان کننگ کن عملی گام گیج آتا چرجوئی ہم برجاءِ دا رداٹ 500 آن 600 آسامی چندی محکمہ غاتا پائپ لائن اٹی ءِ۔ اوپارے کہ داتم اسکان ضلع قلات اٹی داتم اسکان سد آ کلومیٹر روڈ آتے بلیک ٹاپ کننگانے، سد آ واٹر سپلائی اسکیم و ورناتیکن فٹ بال گراؤنڈ فراوان کننگانے وخت اس کہ قلات سٹی و خالق آباد سٹی نا روڈ آ تیا کاریم برجاءِ۔ وزیرداخلہ پارے کہ ضلع قلات اٹی داتم اسکان تدوک آ 4 سال اٹی 1200 ورناتے روزگار نا وارخواہی فراوان کننگانے۔ اوپارے کہ بلوچستان نا الس نا خذمت نا چرجوئی وزیراعلیٰ بلوچستان میر عبدالقدوس بزنجو نا کماشی ٹی برجاتخنہ، بلوچستان ءِ شون ہلوک جوڑ کننگ ننا تغ و مشن ءِ ، ہرادے ضرور پورو کینہ۔ اوپارے کہ حکومت نا شونداری ڈٹ آتیان بلوچستان الس واکدار مریک و زند انا غٹ بشخ آتیٹی تینا لائخی تے کاریم اٹ اتنگ کیرہ ۔ اوپارے کہ دا شونداری ڈٹ آتا سوب آن ضلع قلات نا الس اٹ مروک آ احساس محرومی کم مننگ اٹی ءِ۔
