اسلام آباد۔ 29 مئی (اے پی پی) صدر مملکت ڈاکٹر عارف علوی ترکیہ نا صدر رجب طیب اردوان ءِ گچین کاری تیٹی سرسہبی آ مبارکبادی ترسا پارینے کہ ترک صدر نا متحرک کماشی ٹی پاک ۔ترکیہ تعلقداری پین مون آ کاہک۔ ایوان صدر نا پریس ونگ آن دوشنبے نادے آ جاری بیان نا رداٹ صدر مملکت تینا تہنیتی بیان اٹی پارے کہ تینا عزیز سنگت و ایلم صدر رجب طیب اردوان ءِ ترکیہ نا صدارتی گچین کاری تیٹی اسہ وار ولدا سرسہبی آ مبارکبادی پیش کیوہ۔ صدر مملکت پارے کہ رجب طیب اردوان نا کٹنگ الس نا اوڑا کروک آ پت انا ڈیک ءِ، ترکیہ ننا بھاز خڑک انگا سنگت ءِ ہراڑتون ننا پیڑی تیان ایلمی تعلقداری ءِ۔ صدر مملکت ڈاکٹر عارف علوی پارے کہ پاکستان و ترکیہ مشکل وخت آتا متکن آ سنگت آک ءُ، پاکستان و ترکیہ مدام اسہ ایلو تون ہم کوپہ سلیسنو، صدر مملکت پارے کہ کنے یقین ءِ کہ رجب طیب اردوان نا متحرک کماشی ٹی پاک۔ترکیہ تعلقداری پین مون آ کاہک۔ صدر مملکت اومیت ظاہر کرے کہ نن صدر رجب طیب اردوان تون اواری اٹ کاریم کننگ و تین پہ تینی است خواہی نا غٹ بشخ آتیٹی ترکیہ تون ہڑتوم آ کنڈآتا تعلقداری تے پین ودفنگ نا چاری اُن۔
