اسلام آباد۔ 29 مئی (اے پی پی) بنجائی وزیر حوالکاری و شینکاری مریم اورنگزیب پارینے کہ عمران خان دروغ اٹ مخلوق نا ذہن سازی ءِ کرسا اوفتے ملک دشمنی، دہشت گردی، شہید وغازی تا بے شرفی ءِہیل تس، عمران خان تینا گندہ انگا ناقابل معافی ڈوہ تیا ہمو لمہ و باوہ غاتیان معافی خوائے ہرافتا چناتے ریفسا آزمائشت اٹی شاغا۔ داہیت ءِ او دوشنبے نادے آ چیئرمین پی ٹی آئی عمران خان نا ٹویٹ آ تینا ردعمل اٹی پارے۔ عمران خان تینا ٹویٹ اٹی پی ٹی آئی نا کراچی آن صوبائی اسمبلی نا باسک ملک شہزاد اعوان نا بارواٹی تینا ٹویٹ اٹی اسہ عکس اسے نا حوالہ ءِ تس کہ پارٹی ءِ اِلنگ آ انکار آ ملک شہزاد اعوان نا قافلہ ءِ خاخر تننگا ہراڑا ردعمل نا درشانی ءِ کرسا بنجائی وزیر حوالکاری پارے کہ دا عکس اسہ سال اس متکن نوشہرہ ٹی واقع آئل ڈپوٹی لگوک آ خاخرنا ءِ ۔ عمران خان 19 سال آن مخلوق ءِ دروغ، جعلی عکس و مصنوعی بیانیہ اٹ ذہن سازی کرسا بے وقوف کرے و اوفتے ملک دشمنی، دہشت گردی، شہید و غازی تا بے شرفی ءِ ہیل تس۔ مریم اورنگزیب عمران خان ءِ مشورہ تس کہ او تینا مجروح انا نا تسکین کن آرام اٹ اِرا بیرک آتا نیام اٹ تولسا نن آ کامیڈی شو اس خلسا کے، نن اسے ٹی شوا ٹی تینا گندہ انگا و ناقابل معافی ڈوہ تیا ہمو لمہ و باوہ غاتیان معافی ہم خوائے ہرافتا چناتے ریفسا آزمائشت اٹی شاغانے۔ بنجائی وزیر حوالکاری پارے کہ عمران خان ہمو شہید و غازی تا خاہوت آتیان معافی خوائے ہرافتا است ءِ او ٹھپی کرینے۔ اوپارے کہ اللہ تعالیٰ تینا بندغ آتا حق انا خلاف ورزی ءِ معاف کپک۔