اسلام آباد۔ 28 مئی (اے پی پی) چیئرمین سینیٹ صادق سنجرانی پارینے کہ ایٹمی لائخی پاکستان نا دفاع ءِ ناقابل تسخیر کرینے۔ یک شنبے نادے آ یوم تکبیر نا وخت آ تینا کلہو اٹی چیئرمین سینیٹ محمد صادق سنجرانی پارے کہ مچ آ قوم ءِ ایٹمی واک مننگ آ گمر ءِ۔ اوپارے کہ یوم تکبیر پاکستانی قوم اکن قومی غیرت، قوم انا بے مٹ جیرت و نرزوری نا نشانی نادے ءِ، پاکستان ایٹمی واک اس مننگ نا سوب آن مسلم امہ ٹی یکتا حیثیت اس تخک۔ چیئرمین سینیٹ پارے کہ قومی یکجہتی، ایٹمی سائنسدان و پاک فوج انا ستاکڑزوک خذمت آتا سوب آن پاکستان ءِ اسہ ایٹمی طاقت اس مننگ نا شرف دوئی مس۔ چیئرمین سینیٹ پارے کہ پاکستان ءِ ایٹمی طاقت اس جوڑ کننگ کن قومی سرکڑدہ غاتا بدل مفروک عزم ستاکڑزک۔
