یوم تکبیر بیرہ اسہ دے اس آخا بلکن ننا قوم انا کم آن کم دفاعی لائخی ءِ برقرار تخنگ نا کنڈا شاندار ءُ سفرا سے نا کِسہ ءِ، وزیراعظم شہباز شریف

اسلام آباد۔ 28 مئی (اے پی پی) وزیراعظم شہباز شریف پارے کہ یوم تکبیر بیرہ اسہ دے اس آخا بلکن ننا قوم انا کم آن کم دفاعی لائخی تے برقرارتخنگ نا کنڈا شاندار ءُ سفر اسے نا کِسہ ءِ، دا عظیم سرسہبی نا دوئی کننگ قومی طاقت نا غٹ مرکز آتا نیام اٹ امنائی سلاہ اٹ ممکن مس، دادے آ پاکستان تینا دفاع کن اسہ ریڈلائن اس مقرر کرے و ڈیہہ ٹی امن و سوگوی کن گوازی نا اصول اس وضع کرے، یک شنبے نادے آ یوم تکبیر نا رداٹ تینا ٹویٹ اٹی وزیراعظم پارے کہ یوم تکبیر نا سلوجوبلی آ ای سیاسی و عسکری سرکڑدہ، سائنسدان، انجینئرز و ہمو غٹ مخلوق ءِ خراج تحسین پیش کیوہ ہرا ننا ایٹمی پروگرام تون وابستہ ئسر، اوفتا خواری، عزم و ولولہ پاکستان نا الس ءِ تینا آجوئی نا ہروڑنا خطرہ غان رکھ ءِ ممکن کرے۔ وزیراعظم پارے کہ شہید ذوالفقار علی بھٹو پاکستان نا جوہری پروگرام نا بناءِ کرے و کنا قائد محمد نواز شریف غٹ زور و لالچ ءِ جھٹلائفسا املک ءِ ایٹمی طاقت جوڑ کرے۔