اسلام آباد۔ 28مئی (اے پی پی) صدر مملکت ڈاکٹر عارف علوی یوم تکبیر نا وخت آ قوم ءِ مبارکبادی ترسا پارینے کہ نن تینا سیاسی و عسکری سرکڑدہ غاتا ستاءِ کین ہرافک ملک انا دفاع ءِ ناقابل تسخیر کرسا ایٹمی لائخی نا دوئی کننگ کن ہمووخت آ دانشمندانہ فیصلہ اس کریر، ڈیہہ ٹی طاقت نا توازن ءِ برقرار تخنگ کن جوہری دھماکہ المی ئسک۔ ایوان صدر پریس ونگ انا کنڈآن جاری بیان نا رداٹ صدر مملکت پارے کہ او یوم تکبیر نا وخت آ پاکستانی قوم ءِ مبارکبادی پیش کیک، اینو نادے 25 سال مست بھارت نا ایٹمی دھماکہ غاتا ورندی ٹی پاکستان ایٹمی آزموندہ کرے ہرا ڈیہہ ٹی طاقت نا توازن ءِ برقرار تخنگ کن المی ئسک۔ صدر مملکت پارے کہ جوہری لائخی نا دوئی کننگ واقعی اسہ قابل ذکرکارنامہ اس ئسک و داڑکن ننا سائنسدان ، انجینئر، ہمووخت انا سیاسی وعسکری سرکڑدہ غاک ستاکڑزرہ۔
