اسلام آباد۔ 25 مئی (اے پی پی) وزیراعظم محمد شہباز شریف پارینے کہ قوم تینا ہیرو، غازی و شہید و اوفتا خاہوت آتون بدل مفروک یکجہتی کن اینو یوم تکریم شہدا پاکستان اڈتننگ ءُ، 9مئی پاکستان نامحافظ ، معمار و اودے نزور کروک آ تانیام اٹ بشخنگ نا لکیر اس چکانے۔ پنچ شنبے نادے آ وزیراعظم تینا ٹویٹ اٹی پارے کہ قوم تینا ہیرو، غازی و شہید آتے شاندار خراج عقیدت پیش کننگ و اوفتا خاہوت آتون تینا بدل مفروک یکجہتی نا درشانی ءِکننگ کن یوم تکریم شہداپاکستان بھاز شان و شرف اٹ اڈتننگ ءُ۔ وزیراعظم پارے کہ او 9 مئی نا است ہسون واقعہ غاتے بیرہ اسہ برانز اسےنا وڑاٹ ہُپک ہرا پرتشدد مس۔ ہموفتا ارادہ ہرافک دا واقعہ غاتا ڈٹ بندی ءِ کریسر او اصل اٹ بھاز خطرناک ئسک و دا شرمناک واقعہ غاتا اسہ پیدوار ءُ دروشم اس ئسک و مچ آ قوم خنا کہ ہراوڑ گڑاس مخلوق نا اقتدار نا ہوس اوفتے ہمو کاریم ءِ کننگ آ بیوس کرے ہرامہالو اسُل متنے۔ وزیراعظم پارے کہ شہدانا یات گارآتے شست کننگ، اوفتا بے شرفی ءِ کرسا و ریاست نا علامت آتیا جلہو گیر مرسا شرپسند آک پاکستان نا نظریہ و تشخص آ جلہو کریر و ملک انا دشمن تے جشن کننگ نا سوب آتے تسر۔ وزیراعظم پارے کہ قوم تینا شہید آتا عزت نا رکھ ءِ کننگ چاہک۔ 9 مئی نا است ہسون واقعہ غاک باور کرفنگ ءُ کہ ننے ہموغٹ مخلوق کن پیدواری واوفتے بے نقاب کننگ ءِ ہرا پاکستان نا بنداو تے بھس کننگ خوارہ ۔ 9 مئی نا واقعہ غاک پاکستان نا محافظ و معمار و اودے نزور کروک آتا نیام اٹ بشخنگ نا لکیر اس چکانے۔ وزیراعظم پارے کہ اینو نن تینا شہید آتا عزت و تکریم ءِ برقرار تخنگ نا تینا عزم انا درشانی ءِ کینہ۔ پاکستان وجود الس و شہید آتا نیام اٹ روحانی رشتہ تون گنڈوک ءِ۔ پاکستان نا قیام 20 می صدی نا اسہ معجزہ سے و دانا ماڑی شہید آتا مقدس دتر نا یقینی بنداوتیا سلوک ءِ ۔ نن وخت اس ہم اوفتا احسان نا بدلہ ءِ تننگ کپنہ۔
شہید کی جو موت ہے وہ قوم انا حیات ہے۔۔۔۔لہو جوہے شہید کا وہ قوم کی زکوٰاۃ ہے۔
