راولپنڈی۔ 25 مئی (اے پی پی) پاک فوج انا سروک جنرل سید عاصم منیر پارینے کہ پاک فوج شہید آتا غٹ چناتا وارث ءِ ،شہید آتا بے مٹ قربانی تا سوب آن نم تون ننا رشتہ بے مٹ و مدام قائم رہینگوک آءِ۔ او پنچ شنبے نادے آ یوم تکریم شہداپاکستان نا وخت آ اسکول نا چناتتو ن غیررسمی اوڑدہی ٹی گپ وتران کریکہ۔ یوم تکریم شہداپاکستان آ آرمی چیف اسکول نا چناہرافتے ٹی شہیدآتا چناک ہم اوار ئسر، تون اوڑدہی کرے۔ اسکول و شہید آتا چناتا کاٹم آ شفقت نا دُوءِتخسا آرمی چیف تینا جوزہ غاتا درشانی ءِ کرے و پارے کہ پاک فوج شہید آتا غٹ چناتا وارث ءِ۔ آرمی چیف چناتے پارے کہ شہید آتا بے مٹ قربانی تا سوب آن نمتون ننا رشتہ مثالی و مدام قائم رہینگوک آءِ۔ پاک فوج مدام نمتون ہم کوپہ سلک۔
