اسلام آباد۔ 25 مئی (اے پی پی) وزیرخارجہ بلاول بھٹو زرداری طالب علم آتیا زور شاغا نے کہ او راج انا گچینی کن تینا کڑد ءِ ادا کیر۔ پنچ شنبے نادے آ داڑے فضائیہ میڈیکل کالج نا ارٹ میکو کانووکیشن آن تران کرسا وزیرخارجہ اومیت ظاہر کرے کہ کالج آن فارغ التحصیل مروک آ طالب علم آک ملک انا شونداری ٹی پبی ءُ کڑد ا س ادا کیرہ۔ اوپارے کہ پاکستان تون اوار دنیا ءِ داوخت آ موسمیاتی بدلی تا مون تروک ءِ، پاکستان مہلک کورونا دین انا مقابلہ ءِ جوان وڑ اٹ کرے۔ مدام کوشست مسنے کہ میڈیکل نا بشخ اٹی گچینی اتنگے۔ وزیرخارجہ پارے کہ دنیا داوخت آ چندی چیلنج آتون مون تننگ ءِ۔ پاکستان نا خارجہ پالیسی گچینی نا کنڈا ہِننگ ءِ۔ موسمیاتی بدلی تیان مروک آ نسخان تیا مچ آ دنیا پاکستان تون سلوک ءِ۔ دنیا نا مشکل وخت اٹی پاکستان تون سلنگ دشمن تے پبی ءُ ورندی اسے۔ بلاول بھٹو زرداری پارے کہ پوسکن آ ٹیکنالوجی ءِ تینا کروک آ ملک آک شون ہلیرہ ۔ ننا مدام کوشست مسنے کہ ملک اٹی طبی بشخ ءِ گچین کننگے۔ او فضائیہ میڈیکل کالج اٹی پاس مروک آ غٹ گریجویٹ آتے مبارکباد پیش کرسا پارے کہ طالب علم آک تینا روایت و قدر ءِ وخت اس ہم است آن دپس۔ وزیرخارجہ پارے کہ پاس مروک آ ورناک ملکی شونداری ٹی تینا پبی کڑد ءِ ادا کیرہ۔ اوپارے کہ ہرمشکل نمے پین سوگو کیک۔ اوداوخت آ میڈیکل نا طالب علم آتے سندھ انا ہسپتال آتا دورہ نا ہم سلہ ءِ خلک۔
