اسلام آباد۔ 25 مئی (اے پی پی) اسپیکر قومی اسمبلی راجہ پرویز اشرف پنچ شنبے نادے آ یوم تکریم شہدانا چرجوئی ٹی شہید آتا یات گار آ حاضری تس۔ اوگوجرخان اٹی کیپٹن راجہ محمد سرور شہید (نشان حیدر) نا مزار آ حاضری تس، پھل آتا چادر اس شاغا و دعاپاتیاکرے۔ اوکان پد اسپیکر سوار محمد حسین شہید(نشان حیدر) ءِ خراج عقیدت پیش کرے۔ داوخت آ میڈیا تون گپ وتران کرسا اسپیکر پارے کہ شہید انا ہرا موت ءِ او قوم انا حیات ءِ۔ اوپارے کہ 9 مئی نا است ہسون واقعہ غاتے تاریخ نا تہا ر ءُ بشخ اسے نا وڑاٹ یات تخنگک، اینو ننا آجو چاگڑد اٹ زند ءِ تیر کننگ نا پد اٹ لکھ آ شہید آتا قربانیک اوار ءُ، مچ آ قوم تینا شہید آتے خراج عقیدت پیش کیک۔ اسپیکر پارے کہ 9 مئی نا واقعہ غاتا پد اٹ ناپاک مسخت آک ئسر، داواقعہ غاتیٹی اوار کڑد آتے اوفتےاوفتا کروک نا سزا تننگک، محب وطن پاکستانی تینا سلہہ بند فوج اتون سوگو ءُ دیوال اسے آنبار سلوک ءُ۔ اونا پاننگ ئسک کہ قوم انا نرزور گلزادہ غاتا عظیم قربانی تے وخت اس ہم است آن دننگ مفک، ننا گل زمین شہید و غازی تا گل زمین ءِ۔
