قوم شہید آتا قربانی تے اسُل است آن دپک، ہرمحب وطن پاکستانی شہید آتون مہرومریبت ءِ فرض تکک، چیئرمین سینیٹ محمد صادق سنجرانی

اسلام آباد۔ 25 مئی (اے پی پی) چیئرمین سینیٹ محمد صادق سنجرانی پارینے کہ پاکستانی قوم شہید آتا قربانی تے نئے است آن درینے و نئے دیک، ہرمحب وطن پاکستانی تینا مش انا مہرومریبت اٹی شہید مروک آتون مہرومریبت ءِ تینا فرض تکک۔ سینیٹ سیکرٹریٹ آن جاری بیان نا رداٹ چیئرمین سینیٹ یوم تکریم شہداپاکستان نا وخت آ تینا کلہو اٹی پارے کہ ہرمحب وطن پاکستانی تینا مش انا مہرومریبت اٹ شہید مروک آتون مہرومریبت ءِ تینا فرض تککک، ننا ایمان ءِ کہ پاکستانی قوم شہید آتا قربانی تے نئے است آن درینے و نئے دیک۔ اوپارے کہ حالیت آک چائے امر کہ مریر وطن نا محافظ آتون مہرومریبت پاکستان تون مہرومریبت کننگ آنبار ءِ ، ہراقومک تین اشہید آتے است آن دیرہ اوفتا تاریخ اٹ پن ءِ ہلوک آ کس اس مفک، شہید آتا دترنا ننا غٹ آ قرض ءِ۔ اونا پاننگ ئسک کہ اینونادے ننے غٹ ءِ اواری اٹ دا قول ءِ پوسکن کروئی مریک کہ پاکستان نا شونداری وشونہالی نا خاطر خارتا غٹ دیوال آتے چٹفنہ و وطن عزیز نا غٹ شہید آتا قربانی تے نئے بیرہ یات تخنگک بلکن اوفتا تقدس و حرمت آ ہچ ءُ آنچ اس بننگ کن الیپنہ۔