اسلام آباد۔ 25 مئی (اے پی پی) حریت راہشون یاسین ملک نا اُرائی مشعال ملک پارینے کہ کنا اَرے یاسین ملک نا برخلاف اسہ سال اس مہالو بدترین جوڈیشل خون نا ٹرائل مس، عظیم حریت راہشون یاسین ملک ءِ ملوک آ سزا نا درور دنیا ٹی ملپک، یاسین ملک ءِ اسہ ہی زند اٹ 2 عمر قید ، بامشقت قید و قید تنیائی نا سزاملا۔ جاری بیان اٹی اوپارے کہ اسہ سال انا تہہ ٹی یاسین ملک آ اخہ وار جونی و ذہنی ٹارچر کننگانے، یاسین ملک نا حالیت دے پہ دے آ نزور مرسا کننگ ءِ، دا اسہ معجزہ اسے کہ یاسین ملک داسکان زندہ ءِ۔ اوپارے کہ بھارت نا ڈٹ ءِ کہ یاسین ملک ءِ قید اٹ قتل کننگے یا پاہو تننگے، کشمیر نا ہر توار ہرا حق خودارادیت نا ہیت ءِ کیک اودے چپ کننگک، اقوام متحدہ یاسین ملک تون اوار حریت سرکڑدہ غاتے یلہ کرفنگ کن کڑد ادا کے ۔ مشعال ملک پارے کہ بھارت مقبوضہ کشمیر اٹی غٹ انسانی حق انا جہانی کنونشن تا خلاف ورزی کننگ ءِ، جہانی برادری کڑد ادا کے دُن مف کہ کشمیری غٹ انا غٹ قبرستان اٹی دفن مریر۔
