اسلام آباد۔ 25 مئی (اے پی پی) بنجائی وزیر جان جوڑی عبدالقادر پٹیل پارینے کہ شہید آتا قربانی و غازی تا خذمت ننا نہادی میرات و سرمایہ غاک ءُ، شہید اوفتا خاہوت و یات گار آتا شرف ہر پاکستانی آ المی ءِ۔ وزارت جان جوڑی آن جاری بیان نا رداٹ یوم تکریم شہدا پاکستان نا بابت اوتینا کلہو اٹی پارے کہ مچ آملک اٹی پاکستان نا شہید آتا بے مٹ قربانی تے خراج تحسین پیش کننگ کن دے ءِ اڈتننگ انگ ءِ ۔ دا دے ءِ اڈتننگ نا مسخت شہید آتا بے مٹ قربانی تا یات ءِ تازہ کننگ ءِ۔ عبدالقادر پٹیل پارے کہ قوم ءِ کلہو تروئی ءِ ، شہید، اوفتا خاہوت و یات گار آتا شرف ہر پاکستانی آ لازم ءِ۔ 9 مئی پاکستان نا تاریخ نا تہار دے ئسک۔ 9 مئی نا واقعہ غاتا اخس کہ مذمت ءِ کننگے او کم ءِ۔ اوپارے کہ 9 مئی آ جی ایچ کیو تون اوار لاہور اٹی جناح ہاؤس آ ہم مشتعل بندغ آک جلہو کریسر۔ شہید آتا فرض شناسی و عظیم قربانی تا سوب آن نن اسہ آجو ءُ فضاسے ٹی زند ءِ تیر کننگ اُن۔ عبدالقادر پٹیل پارے کہ 23 کروڑ الس شہید آتون پیار کیک۔ مچ آ قوم شہید آتا عظمت ءِ سلام پیش کیک۔ اوپارے کہ شہید آتا قربانی تیان اینو پاکستان نا کاٹم گمر اٹ بڑز ءِ۔
