چیلنج آتیان پد ہم پاکستان تینا اہل آبادی نا 90 درسد ءِ کورونا دین آن بچفنگ نا ویکسین خلنگ اٹ سرسہب مسنے، عبدالقادر پٹیل

جنیوا۔ 24 مئی (اے پی پی) بنجائی وزیر جان جوڑی عبدالقادر پٹیل پارینے کہ کورونا دین انا برخلاف پاکستان نا دمدستی و گچین ردعمل نا مچ آدنیاٹی اعتراف ءِ کننگانے، چیلنج آتیان پد ہم پاکستان تینا اہل آبادی نا 90 درسد ءِ ویکسین خلنگ اٹ سرسہب مسنے۔ وزارت جان جوڑی آن جاری بیان نا رداٹ دا خیال آتا درشانی ءِ او جنیوا ٹی دینی مرض فنڈ انا دیوان آن تران کرسا کرے۔ بنجائی وزیر پارے کہ دینی فنڈ بورڈ انا دُوارہ ٹہیفنگ کن فنڈ سیکرٹریٹ پاکستان تون رابطہ کرین۔ فنڈ بورڈ پاکستان آن شریک زرکار نا نشست ءِ اِلنگ یا اودے برقرار تخنگ نا درخواست کریسس۔ اوپارے کہ پاکستان باضابطہ وڑاٹ سیٹ ءِ برقرار تخنگ نا فیصلہ کننگا۔ وزارت خارجہ غان ہم علاقائی ملک آتا تعلقدار وزارت خارجہ تون کینوسنگ نا بناءِ کننگ نا درخواست کننگانے۔ پاکستان تینا اومیتدار پیش کننگ کن اینو 23 مئی آ باضابطہ علاقائی سلابت نا بست وبند کرینے۔ اوپارے کہ پاکستان نا علاقائی سلابت دیوان نا اڈتننگ نا مسخت  دے ٹککی بحیرہ روم ملک آتا مخ تفی ءِ دوئی کننگ ءِ ، جہانی ادارہ جان جوڑی علاقائی کہول آ ایلو ملک آتیٹی تینا تعلقدار ملکی دفترآتیان وتواجہ شریک زرکار نشست ءِ برقرار تخنگ نا پاکستان نا فیصلہ نا مخ تفی ءِ کرینے۔ وزیر جان جوڑی بشخ ہلوک آتے پاکستان نا کنڈآن ، ڈیہہ ٹی انفرادی و اجتماعی وڑاٹ سیوتی ملک آتا فائدہ غاتے مون آ دننگ و رکھ فراوانی نا باوری کرفے۔ بنجائی وزیر پارے کہ دینی فنڈ پاکستانی موقف نا مخ تفی ءِ کرسا دینی فنڈ انا گورننگ بورڈ اٹی ننا اومیتدار ءِ برقرار تخنگ کن مخ تفی دوئی کے۔ اوپارے کہ کوروننا دین انا برخلاف پاکستان نا دمدستی و گچین ردعمل نا مچ آ دنیا اعتراف ءِ کرینے۔ چیلنج آتیان پد ہم پاکستان تینا اہل آبادی  نا 90 درسد ءِ ویکسین خلنگ اٹ سرسہب مسنے۔ پاکستان نا کوویڈ۔ 19 و داوڑنا دین انا برخلاف مون تننگ ردعمل ءِ سوگو کننگ کن ودکی کمک نا بنداو ءِ تخک۔