پاک فضائیہ نا 1965 نا جنگ انا ہیرو سکوارڈرن لیڈر منیر الدین احمد (شہید) ءِ خراج عقیدت

اسلام آباد۔ 24 مئی (اے پی پی) سکواڈرن لیڈر منیر الدین احمد (شہید) نا نرزوری ودلیری ءِ خراج عقیدت پیش کننگ و اونا عظیم کارنامہ غاتے تالان کننگ نا غرض اٹ پاک فضائیہ نا شعبہ تعلقات عامہ 1965 نا جنگ انا ہیروتا یات اٹی اسہ خصوصی ءُ پرومو اس جاری کرینے۔ جنگ اٹی سکواڈرن لیڈر منیر شہید کیہی فضائی معرکہ غاتیٹی بشخ ہلک و دشمن نا نہادی میرات آتے بھاز نسخان تس۔ ترجمان پاک فضائیہ نا رداٹ 10 ستمبر، 1965 آ او ہندوستانی علاقہ ٹی تینا فارمیشن نا کماشی ءِ کرے و بھارتی فضائیہ نا اسہ نیٹ جنگی جہاز اسے خلک بٹے۔ 11 ستمبر 1965 نا دے او اسہ گراؤنڈ اٹیک مشن اسے ٹی نرزوری اٹ جنگ ترسا شہیدی نا جام ءِ نوش کرے ہراتم اونا جہاز دشمن نا طیارہ شکن توپ آتا مون اٹی بس۔ اونا بے کچ کسبی مہارت و نرزوری نا اعتراف اٹ اودے بعداز شہادت ’ستارہ جرات‘  نا شرف ءِ تننگا۔