اسلام آباد۔ 23 مئی (اے پی پی) مودی سرکار نا بھارت نا غیرکانودی کوزہ ٹی جموں وکشمیر اٹی جی۔ 20 دیوان اس اڈتننگ نا کوشست بھاز بے وڑ بے سہب مننگ اٹی ءِ۔ کشمیری تا کنڈآن جی۔ 20 دیوان نا پورو بائیکاٹ و سخت ردعمل مون تروک ءِ۔ میڈیا حوال آتا رداٹ جی۔ 20 دیوان بھارت نا غیرکانودی کوزہ ٹی علاقہ ٹی اڈترفنگ نا رداٹ آل پارٹیز حریت کانفرنس نا کنڈآن تروک آ کال آ کشمیر اٹ پورو شٹرڈاؤن ہڑتال وخت اس کہ مچ آ علاقہ ٹی کرفیو ءِ۔ مودی سرکار نا کنڈآن کشمیر اٹی غیرانسانی پابندی لگوک ءِ۔ سری نگر اٹی ڈل جھیل انا کنارہ ہراڑے دود اڈ ہلنگ ءِ، نا کیبی بھارتی فوجی، پیراملٹری فورسز، ایلیٹ نیشنل گارڈز و میری کمانڈوز آتا بھلو نفری اس تعینات ءِ۔ سری نگر ناچندی علاقہ غاتیٹی بھارتی فوج و پولیس دوکاندارتے بٹنگسا دوکان تے ملنگ نا پارت کریر و عمل کپننگ آ سخت نتیجہ غاتا دھڑکو تسر۔ بھارتی دھڑکو تا پرواہ ءِ کپرسا پوریاگرآک گروپ20۔ دیوان اڈتننگ نا برخلاف پورو شٹرڈاؤن کرسا تینا برانز ءِ ریکارڈ کرفیر۔
