اسلام آباد۔ 23 مئی (اے پی پی) اسپیکر قومی اسمبلی راجہ پرویز اشرف اینکر پرسن ہم ٹی وی ثمر عباس نا لمہ نا کزیت آ ڈکھیائی و است ہسونی نا درشانی ءِ کرینے۔ اسپیکر قومی اسمبلی تینا جاری ہڑزخواہی کلہو اٹی ثمر عباس تون اونا لمہ نا کزیت آ است ہسونی نا درشانی ءِ کرسا ثمر عباس تون ہڑزخواہی و ہمدردی نا درشانی ءِ کرینے۔ اوپارے کہ انسان نا زند اٹی لمہ و باوہ قدرت نا انمول ٹیکی ءُ، لمہ و باوہ نا نا اناگت دنیا غان ہِننگ انسان کن بے بدل ءِ نسخان و عظیم ءُ صدمہ اسے۔ اوپارے کہ ایماندار نا اناگت کزیت آن ودی مروک آ خلاء تادیر پُر مننگ کپک۔ غم انا دامشکل ساہت اٹی او ثمرعباس نا غم و ڈکھیائی ٹی بریبر نا شریک ءِ۔ اسپیکر اللہ تعالیٰ آن ایماندار نا درجہ غاتا بڑزی و پدسلوک آخاہوت ءِ دا بے بدل نسخان ءِ سگنگ کن صبر وجمیل نا دعاکرے۔
