مزن وزیر  شہباز شریف  ءَ گوں بلوچستان  ءَ  پاکستان  مسلم  لیگ  ن  ءِ  باسک آنی گند ءُ نند

اسلام آباد۔22مئی  (اے پی پی): مزن وزیر محمد  شہباز شریف  ءَ گوں  بلوچستان  ءَ   پاکستان  مسلم یگ  ن  ءِ  سروک آں گند ءُ نند  کت۔ دو شمبے  ءَ  مزن وزیر کارگس  ءِ  میڈیا ونگ  ءِ  نیمگ ءَ جاڑی بوتگیں   بیانءِ  رد ءَ  مزنک وزیر   ءَ یک روچی ل کوئٹہ  ءِ تر ءُ تاب  کت   اے موہ ءَ  آئی ءَ گوں  بلوچستان   ءَ  پاکستان مسلم  لیگ  ن   ءِ  باسک   آں گند ءُ نند  کت۔  گند ءُ نند ءَ صوبگ  ءِ سیاسی جاور  ھال   ءُ  پارٹی  ءِ کار آنی  بابت ءَ  تران  کت   مزن وزیر  شہباز شریف ءَ گوشت کہ   سروک  میاں  شہباز شریف  ءِ نیمگ ءَ چہ   شمارا  درستاناں   سلام  بہ  رس ا ئیت ءُ کلانہ ایں  نائب صدر مریم  نواز،  حمزہ  شہباز  ءُ پارٹی ءِ  سینئر  سروک آںی نیمگ ءَ   بلوچستان  ءِ مسلم لیگی  باسک آنی  واستہ  نیکیں  واھگ ءُ واھشت آنی  درشان   ءَ کناں۔  مزن وزیر  ءَ گوشت کہ بلوچستان   ءِ دیمروئی ءُ وشھالی    حکومت ءِ اولی کار آنی تہءَھوار  انت۔  ھمے یکیں ھپتگ ءِ ساھت ءَ   اے منی   بلوچستان  ءَ   دو  تر ءُ تاب  انت۔  سیلاپ ءِ ساھت ءَ   بلوچستان  ءِ الس آناں  اول  سروئی بنیات ءَ کمک ءُ    ایشانی   آسراتی  دیگ  دل  یکیمی کتگ۔  آئی ءَ گوشت کہ  تاں وھد ءِ  ازمکاریں  مردم آناں  ھمکچیں  روزگار ءِ  موہ  پجاری  مہ بیت  ھما وھد ءَ تاں  ایمنی ءَ گوں  نشت  نہ کناں۔  بلوچستان ءِ مردم آنی زبھر ی  ءَ را  دور  کنگ ءِ واستہ    ھمکوپگ   ءَ اوشتاتگ آں۔   سیلاپ ءِ ساھت ءَ مسلم  لیگ ن   ءِ  بلوچستان   ءِ باسک آں  کمکی چست  ءُ ایر   آنی  تہ ءَ  گیشاں چہ گیش  بھر زوری  کتگ۔