اسلام آباد۔21مئی (اے پی پی):پاکستان ءَ ایران ءَ ناشرکاری ارش ءَ را مذمت کتگ۔ ترجمان درئی کارانی کارگس ءِ نیمگ ءَ یک شمبے ءَ جاڑی بوتگیں بیان ءَ گوشگ بوتگ کہ پاکستان 20 مئی 2023 ءَ ایران ءِ سراوان کاؤنٹی ءَ بوھوکیں ناشرکاری ارش ءَ را مذمت کنت، ایشی ءِ نتیجگ ءَ 6 ایرانی سیکورٹی کارندہ بیران بوتگ انت۔ آئی ءَ گوشت کہ پاکستان ءِ حکومت ءُ الس اے واکیہ …
پاکستان ایران ءَ ناشرکاری ارش ءَ را مذمت کنت، درئی کارانی کارگس
گیشتریں ھال
اسلام آباد۔21مئی (اے پی پی):پاکستان ءَ ایران ءَ ناشرکاری ارش ءَ را مذمت کتگ۔ ترجمان درئی کارانی کارگس ءِ نیمگ ءَ یک شمبے ءَ جاڑی بوتگیں بیان ءَ گوشگ بوتگ کہ پاکستان 20 مئی 2023 ءَ ایران ءِ سراوان کاؤنٹی ءَ بوھوکیں ناشرکاری ارش ءَ را مذمت کنت، ایشی ءِ نتیجگ ءَ 6 ایرانی سیکورٹی کارندہ بیران بوتگ انت۔ آئی ءَ گوشت کہ پاکستان ءِ حکومت ءُ الس اے واکیہ ءَ را شہید آنی گمیگیں ھاندان ءِ گوما ایرانی حکومت ءَ دلی دلپدردی ءِ درشان ءَ کن انت۔ مزن وزیر پاکستان ءُ ایران ء، صدر ءِ استیں گند ءُ نند ءَ اے گپ ءِ تسدیک کنگ بوتگ کہ ما سیم سر ءِ اے دیم ناشرکاری ءِ ھلاسی ءِ واستہ وت مہ وتی کوشست آنی ضلورت ءِ سر ءَ زور دیاں۔ ترجمان درئی کارانی کارگس ءَ گوشتگ کہ پاکستان، پاک ایران سیم سر ءَ را ایمنی ءُ دوستی ءِ سیم سر ءِ رد ءَ چار ائیت ءُ اے مول ءُ مراد ءِ واستہ ایران ءِ گوما کار کنگ ءِ واستہ جزمیگ انت۔
