اسلام آباد۔21مئی (اے پی پی):چین ءُ پاکستان ءِ نیام ءَ سفارتی یکوئی آنی برجائی ءِ 72 سالروچ ءِ موہ ءَ ادار چینی سفارت خانہ ءَ پاکستانی سفارتکار آنی گوما ” چین پاکستان بے دروریں دوستی ءُ روشنائیں آیوکیں باندات” ءِ بن گپ ءَ یک وش اتکی دیوان ءِ بست ءُ بند کنگ بوت۔
مراگش ءِ ھاسیں مہمان چینی سفارت خانہ ءِ ناظم الامور پینگ چینکسو، پاکستان ءِ سیکرٹری درئیکار ڈاکٹر اسد مجید خان، فارن سروس اکیڈمی ءِ ڈائریکٹر جنرل مظہر جاوید ءَ وش اتکی دیوان ءَ گشتانک دات۔ وش اتکی مراگش ءَ چین ءَ وزارت ءِ درئی کار ءِ کارندہ ، چین ءَ پیسریگیں پاکستانی سفیر ءُ چینی سفارتکار آں ابید ورنا ئیں پاکستانی سفارت کار آں ھم بھر زوری کت۔ پینگ چنکسو ءَ چینی سفارت خانہ ءَ دوست آناں وش اتک کت ءُ اے گپ ءِ سر ءَ زور پر دات کہ چین ءُ پاکستان ءِ یکوئی جھلانکیں تاریخی روتگ، مھکمیں السی کمک ءُ ارزشتی ایں ضلورت آنی رد ءَ انت۔
آئی ءَ گوشت کہ اے سال صدر شی جن پنگ ءِ شور ءُ مشور کتگیں “بیلٹ اینڈ رود انیشیٹو” ءِ 10 دھمی سالروچ ءُ چین پاکستان اقتصادی راہداری ءِ بنگیج ءِ 10 دھمی سالروچ انت۔ آئی ءَ گوشتگ کہ دوئیں نیمگ ءَ یکجائی کوشست آں چہ سی پیک ءَ صنعت، کشت ءُ کشار، آئی ٹی، سیلاپ ءَ چہ رکھینگ ءُ گریبی ءِ ھلاسی ءُ ایندگر شوبگ آنی تہ ءَ بروردی آسر در جتگ انت۔ ایشاں پاکستان ءِ اقتصادی ءُ چاگردی دیمروئی داتگ۔ پاکستان ءِ انفراسٹرکچر ءَ را اپ گریڈ کنگ ءُ گہتر کنگ ءَ ارزشتی ایں کرد پیلو کتگ۔ پاکستانی الس آنی گہبود، الس آنی نیام ءَ رابطہ آناں ودینگ ءُ دمگی رابطہ آنی شاھیگانی ءِ سبب ءَ سی پیک ، چین پاکستان کمک آنی پجا ر جوڑ بوتگ۔ آئی ءَ گیش گوشت کہ صدر شی جن پنگ ءَ مھکمیں سروکی ءَ چین وتی نوکیں کاری ءِ کار ءَ را جوانیں گامگیج آنی گوما دیمروئی دیگ ءَ انت۔
چین پاکستان ءَ ھوار دیمروئی کنوکیں ملک آناں چینی جدیت ءَ نوکیں کامیاتی آنی گوما نوکیں موہ پجاری کنت۔ آئی ءَ وشت کہ دیمروئی کنوکیں ملک آنی رد ءَ ، چین ءُ پاکستان دوئیں یک شلی ءَ دیمروئی ءِ کشک پٹ ءُ پول کنگ ءَ انت ایش راجی جاور آنی رد ءَ انت ءُ دوئیں ملک میاں اوستمانی ایمنی ءُ برجائی ءَ را برجا د ارگ ءِ واستہ چست ءُ ایر ءَ انت۔ چینی سفارتخانہ ءِ ناظم الامور پانگ چنکسو ءَ گیش گوشت کہ 5 مئی بگر تاں 6 مئی ءَ تاں چین ءِ ریاستی کونسل ءُ وزیر ءِ درئی کا ر کن گینگ ءَ پاکستان ءَ را کامیاتیں تر ءُ تاب کتگ، ایش پاکستان چین یکوئی ءُ چین پاکستان موسمی کمک ءُ ھواریں شریکداری ءَ را مھکم ءُ شاھیگانی کنگ ءَ باز ارزشت کرز انت۔ آءی ءَ دوئیں ملک آنی سفارت کار آنی ازمت، کوشست ءُ شریکدساری ءِ واستہ گامگیج آناں ھم ساڑات۔ آئی ءَ زور پر دات کہ چین دوئیں ملک آنی سروک آنی نیام ءَ منوگر بوھوکیں تپاکی آنی پد ءُ رند ءِ واستہ پاکستان ءِ گوما دست بہ ملارین ائیت ءُ چین پاکستان دوستی ءِ جوانیں مول ءُ مراد آناں ٹوھیں دیمروئی ءِ گوما یک شلی ءَ شاھیگانی دنت۔
مراگش ءَ گوں گشتانک دیان ءَ سیکرٹری درئی کار ڈاکٹر اسد مجید خان ءَ چین ءُ پاکستان ءِ بے دروریں دوستی ءُ کمک آنی کامیاتی آنی گوما دوئیں ملک آنی پیسریگیں سفارتکار آنی کمک آناں ساڑات۔ آئی ءَ گوشت کہ پاکستان ءَ چینی سفارتخانہ ءِ کمپاؤنڈ ءِ مٹ ءُ بدلی وت دوئیں ملک آنی پیسریگیں سفارت کار آنی کمک آناں ساڑات۔ آئیءَ گوشت کہ پاکستان ءَ چینی سفارتخانہ ءِ کمپاؤنڈ ءِ مٹ ءُ بدلی وت دوئیں ملک آنی دوستی ءِ دیمروئی ءِ گواہ ءُ شاہد انت۔ چین ءَ وتی سفارتخانہ ءِ کمپاؤنڈ حکومت ءِ پاکستان ءِ ھوارلگ ءَ کتگ ایش فارن سروس اکیڈمی جوڑ بوتگ ءُ نوکیں کمپاؤنڈ ڈنی ملک ءِ توامیں چینی سفارت خان آنی تہءَ درستاں چہ مستریں کمپاؤنڈ جوڑ بوتگ۔
آئی ءَ اے گپ ءَ را ساڑات کہ چینی دوست مدام پاکستان ءِ وت مستری ءُ آزاتی، مالی برجائی ءُ انفراسٹرکچر ءِ جوڑیشت ءَ را گوں دل پھکی ءَ کمک ءُ ھمبراہ داری ءَ کنت۔ آئی ءَ گیش گوشت کہ چین پاکستان اقتصادی راہداری ءَ چہ پاکستان ءِ معیشت ءُ چاگرد ءَ وشھالی ءُ دیمروئی بوتگ ایشی ءِ واستہ پاکستان گوں دل ءِ جھلانک ءَ شگر ءُ منت وار انت۔ ” بیلٹ اینڈ روڈ انیشیٹو” ءِ 10 دھمی سالروچ ءُ سی پیک ءِ بنگیج ءِ موہ ءَ چین ءُپاکستان ءَ را یکجائی رنگ ءَ اے یاتگیریں ساھت ءَ برجم درگی انت۔ آئی ءَ گوشت کہ نوں وھدیکہ چین پاکستان دوستی ءِ بیرک سفارت کار آنی نوکیں باھند ءِ ھوالگ ءَ کنگ بوتگ، امیت انت کہ دوئیں ملک آنی سفارت کار یکجائی آیوکیں باندات ءِ گوم یک نزیکیں چین پاکستان کمیونٹی ءِ جوڑیشت ءِ واستہ یکجائی ءَ کار کن انت۔ اے موہ ءَ پاکستانی ورنائیں سفارت کار آں گوشت کہ مراگش ءَ وش اتک باز بے درور بوتگ۔ ایشی ءَ چہ چین ءُ سی پیک ءِ بابت ءَ آوانی زانت ءُ پھم ءَ گیشی بوتگ ءُ دوئیں ملک آنی ورنائیں سفارتکار آنی دوستی گیش مھکم بیت۔
