اسلام آباد۔20مئی (اے پی پی):وزارت ءِ ھزانگ ءَ میاں اوستمانی مالیاتی فنڈ (آئی ایم ایف) ءِ گوما منوگری ءِ تہ ءَ مھتلی ءِ سبب ءَ پریس ءَ شنگ ءُ تالان بوھوکیں رپوٹ آناں رد کتگ۔ شمبے ءِ روچ ءَ وزارت ءِ ھزانگ ءِ نیمگ ءَ جاڑی بوتگیں بیان ءَ ترجمان وزارت ءِ ھزانگ ءَ گوشتگ کہ پریس ءِ بازیں بھر آنی تہ ءَ رپوٹ شنگ بوتگ انت کہ آئی ایم ایف ءِ گوما منوگری آنی سر ءَ دست چنگل آنی سبب ءَ ایش انت کہ آئی ایم ایف وزارت ءِ ھزانگ فنڈز سیاسی ءِ مول ءُ مراد ءِ واستہ کارمرز نہ کنگ ءِ دل یکیمی لوٹ اتگ۔ ترجمان ءَ سہرا کتگ اے ھال دروگین ات ءُ بے سر ءُ پادین ات۔ آئی ءَ گوشت کہ آئی ایف ایف ءَ اچبر حکومت ءِ گوما اے رنگیں نہ وشی ءِ درشان نہ کتگ ءُ ناکہ بجٹ ءِ وسلیگ ءَ پارلیمنٹ ءِ منظوری ءَ ابید فنڈز کجام ھم مول ءُ مراد ءِ واستہ کارمرز کنگ بوت کن انت۔
