اسلام آباد۔20مئی (اے پی پی): بنجاھی وزیر تہی کار رانا ثنا ء اللہ ءَ بلوچستان ءِ دمگ زرغون ءَ سیکورٹی فورسز آں چیک پوسٹ ءِ سر ءَ ناشرکاری ارش ءَ را سک باز مذمت کتگ۔ شمبے ءِ روچ ءَ ادا جاڑی بوتگیں بیان ءِ رد ءَ وزیر ءِ تہی کار ءَ ارش ءَ سئے کارندہ آنی شہید بوھگ ءِ پد ءَ ڈکھ ءُ اپسوزی ءِ درشان کتگ۔ بنجاھی وزیر ءَ ناشرکاری ءِ ھلاپ ءَ جاڑیگیں جنگ ءَ سیکورٹی فورسز آنی قربانی ءُ مزن جگر ی ءَ را ساڑاتگ ءُ شہید آنی برز ءُ بلندیں درجگ ءِ واستہ دعا ءِ نیک کت۔ آئی ءَ دل یکیمی دات کہ شہید آنی قربانی مپت ءَ نہ رونگ ءُ انشا اللہ آیوکیں باندات ءَ ناشرکاری ءِ ھوپ ءَ را سرجمیں رنگ ءَ ھلاس کنگ بیت۔
