اسلام آباد۔ 22مئی (اے پی پی) بنجائی وزیر دفاعی پیداوار رانا تنویر حسین جہانی جنگی و فوجی گڑاتا نمائش میلکس 2017ءنا وخت آ بیلاروس نا سٹیٹ ملٹری انڈسٹریل کمیٹی نا چیئرمین گریلیر گئی تون اوڑدہی کرے۔ اوڑدہی ٹی تین پہ تینی است خواہی نا معاملہ خاص کر دفاعی پیداوار نا بشخ اٹی کمکاری نا بارواٹی خیال آتا درشانی ئِ کننگا۔ داوخت آ گریلیر گئی خیال آتا درشانیئِ کرسا تین پہ تینی واپار و زرکاری نا مون آ دننگ و دفاعی صنعت آتا نیام اٹ خڑکی رابطہ غاتا قیام آ زورشاغا۔ بنجائی وزیر رانا تنویر حسین خیال آتا درشانی ئِ کرسا پارے کہ درملکی زرکار آتے کن دفاع نا بشخ اٹی پاک۔ بیلاروس اسیجائی ڈٹ بڑزکو و گچین ئُ چاگڑداس فراوان کیک۔ گریلیر گئی دا خواہش انا درشانی ئِ کرے و ہڑتوم آ ملک آتا دفاعی صنعت آک اسہ ایلو آن فائدہ ہرفنگ کیرہ۔ اوداہیت آ امنا کریر کہ دفاعی پیداوار نا بشخ اٹی کمکاری نا بھاز گنجائش ساڑی ئِ۔
