وزیراعظم محمد شہباز شریف پاکستان۔ایران بارڈر مند ۔پشین پوائنٹ کن روانہ مس

اسلام آباد۔ 18 مئی (اے پی پی) وزیراعظم محمد شہباز شریف پاکستان۔ایران بارڈر مند۔پشین پوائنٹ کن روانہ مس۔ وزیراعظم آفس نا میڈیا ونگ آن جاری بیان نا رداٹ اینو (پنچ شنبے نادے آ) مند۔پشین سرحد، (پاکستان ایران سیم) آ ایرانی صدر ابراہیم رئیسی ہم بریک۔ وزیراعظم محمد شہباز شریف و ایرانی صدر ابراہیم رئیسی ہڑتوم آ ملک آتا نیام اٹ واپار نا مون آ دننگ کن بارڈر مارکیٹ نا بناءِ کیرہ۔ بارڈر مارکیٹ نا جوڑ کننگ آن سیم انا ہڑتوم آ کنڈ رہینگوک آ مخلوق آتیکن روزگار نا وارخواہی ودی مریک و اسمگلنگ ءِ توننگ مریک ۔ داکان بیدس حکومت پین 5 بارڈر مارکیٹ آتیا کاریم کننگ اٹی ءِ ہرافتے زوت واپار کن ملنگک۔ داکان بیدس ہڑتوم آ سروک آک 100 میگاواٹ گبد۔پولان بجلی نا ٹرانسمیشن لائن نا بناءِ ہم کیرہ۔ گبد۔ پولان ٹرانسمیشن لائن وزیراعظم محمد شہباز شریف نا ذاتی است خواہی نا سوب آن ریکارڈ مد اٹی جوڑ مس۔ دا ٹرانسمیشن لائن نا پوروی آن ایران کم خڑچ بجلی نا جم کچ 204 میگاواٹ مسنے ہراڑان وزیراعظم شہباز شریف نا بلوچستان اٹی بے سلنگ آن بجلی نا فراوانی نا قول پورو مس۔ دورہ ٹی وزیراعظم و ایرانی صدر نا نیام اٹ غیر رسمی اوڑدہی ہم مریک۔