جہانی امن ئِ زہمی کروک آ دہشت گردی نا لعنت نا چٹفنگ کن اسلامی ملک آتا نیام اٹ قول و اقرار نا گرج ئِ
مدینہ منورہ۔ 22مئی (اے پی پی) وزیراعظم محمد نواز شریف جہانی امن ئِ زہمی کروک آ دہشت گردی نا لعنت نا چٹفنگ کن اسلامی ملک آتا نیام اٹ قول و اقرار نا گرج ئِ ۔ سعودی عرب نا مسہ دے ئی دورہ ٹی تین تون اوار ذرائع ابلاغ نا نمائندہ غاتون دوشنبے نا دے غیر رسمی ہیت وگپ کرسا وزیراعظم پارے کہ پاکستان دہشت گردی نا بناءآ کم و ود 120 ارب ڈالر آن زیات نا مالی سال و ہزار آ نہادی جان تا زیان تون بھلو نسخان اس ہرفینے۔ اوپارے کہ ہراوڑدیکی دنیا دہشت گردی نا برخلاف صف آراءمننگ ئِ ہنداوڑ دہشت گردی نا خلیس تون مون تننگ کن مسلم امہ ہم بایدے یکجا مرے۔ وزیراعظم پارے کہ پاکستان دہشت گردی نا برخلاف گچین وڑاٹ مون ترسا بھلو حد اسسکان دا لعنت ئِ تورینے۔ اوپارے کہ اوغانستان ہم دہشت گردی نا برخلاف گچین وڑاٹ بایدے مون ایتے۔ سمٹ اٹی امریکی صدر ڈونلڈ ٹرمپ اتون تینا ہیت وگپ نا بابت سوج انا ورندی ٹی وزیراعظم پارے کہ” دااسہ جوان ئُ میٹنگ اس ئس“ ۔ اوپارے کہ کانفرنس اٹی او ایلو راہشون آتون ہم خیال آتا درشانی ئِ کرے۔
