مزن  وزیر محمد  شہباز شریف   ءَ گوں  بلوچستان  ءِ نودربر  آنی  شکاست  آنی  ھوالگ ءَ   جوڑ کتگیں کمیشن  ءِ باسک آں  گوں گند ءُ نند

اسلام آباد۔16مئی  (اے پی پی): مزن وزیر   محمد   شہباز شریف  ءَ گوشتگ   کہ  بلوچستان   ءِ دیمروئی  پاکستان  ءِ  دیمروئی ءَ   گوں بندوک انت، راجی سیاسی  سروک بلوچستان  ءِ  الس ءَ را   ایمنی،  دوستی  ءُ  وشھالی  ءِ  کلوہ ءَ دیگ ءَ انت،   صوبگ  ءِ   توامیں   جیڈھ  ءُ    بےگواہیں  مردم آنی  جیڈھ  ریاست ءِ  توامیں  سیادی  داروکیں  پریک   یکجا بہ ننداں  ءُ  گیوار ءِ  بکن انت۔  اے ھیالانی درشانی  آئی  ءَ    بلوچستان  ءِ  نودربر آنی  شکات آنی  ھوالگ ءَ  جوڑ  کتگیں  کمیشن   ءِ باسک آں گوں  تران  کنا ن ل ءَ  کت  آئیءَ  سئے شمبے ءِ روچ ءَ ادا  آئی  ءَ  گوں  گند    ءُ نند  کت۔  کمیشن  ءَ   مزن وزیر  ءَ را  بلوچستان   ءَ گوں سیادی داروکیں نودربر  آنی شکاست  ءُ  ایشانی  گیواری  ءِ  ھوالگ ءَ کمیشن   ءِ  نیمگ   ءَ چہ  رد ءُ بند کتگیں رپوٹ   ءِ   ھوالگ  ءَ بریفنگ  دات۔  مزن وزیر   ءَ  کمیشن  ءِ کار کرد  ءِ توسیپ  کانءَ گوشت  کہ  بلوچ نودربر  آنی شکاست  ءُ  ایشانی  گیواری ءِ  ھوالگ ءَ رپوٹ  باز شاھیگان ءُ  ٹوھ انت ءُ  باز ایمانداری ءَ گوں   رد ءُ بند  کنگ بوتگ۔   مزن وزیر   ءَ  پنت ءُ شون  کت کہ  بنجاھی   ءُ صوبائی ادارگ آنی رپوٹ   ءَ  داتگیں شور ءُ مشور  ءَ را  پد ءُ  رندی  ءَ را دل  یکیمی جوڑ   کنگ ءِ   واستہ گامگیج  بکن انت۔  آئی ءَ  گوشت کہ بلوچ  نودربر  آنی جیڈھ  ءُ شکاست  آنی گیواری  ءِ واستہ  ھمک  رنگیں گامگیج چست  کناں۔  مزن وزیر  ءَ   گوشت  کہ بلوچستان  ءِ دیمروئی  ءَ چہ  پاکستان  ءِ دیمروئی  بندوک انت۔  آئی ءَ پنت ءُ شون  کت  کہ  بلوچستان  ءِ دیمروئی ءِ  واستہ  دیمروئی  فنڈ   آنی  پجاری   ءَ   برجا  کتگ۔  مزن وزیر  ءَ  گوشت کہ زالبول ءُ  چاگرد  ءِ   ڈکال ءَ  آماچیں  تبک  ءِ  مردم آناں  راجی  ھمگامی ءِ رد ءَ آرگ  ءِ  واستہ  گیشاں چہ گیش  کوشست  کنگ ءَ  آں۔  گند ءُ نند ءَ   کمیشن  ءِ کنوینئر  باسک راجی اسمبلی  سردار اختر  مینگل،  ءُ  باسک  سینیٹر  مشاہد حسین  سید،  سینیٹر کامران مرتضیٰ ،  افرا سیاب خٹک،  ناصر  محمود کھوسہ، میجر (ر) حسنین ایڈیشنل  سیکرٹری  سینیٹ   ءَ  بھر  زوری کت۔   اے موہ ءَ   بنجاھی وزیر  دیمپانی  خواجہ آصف ، بنجاھی  وزیر  تہی کار رانا ثناء اللہ، بنجاھی وزیر  کانود ءُ  انصاف  اعظم  نذیر تارڑ،  مشیر  مزن وزیر  احد  چیمہ  ءُ  سیادی داروکیں  مزن تکی  سرکاری  اپسرگ  ھم ساڑی اتنت۔  بلوچستان   ءِ نودربر  شکاست  آنی  ھوالگ ءَ  اے کمیشن  ءِ جوڑیشت  اسلامآ باد ہائی  کورٹ   ءِ   حکم  آنی  رد ءَ ستمبر   2022  ءَ  جوڑ کنگ بوتگ۔