اسلام آباد، چیف الیکشن کمشنر نا کماشی ٹی دیوان اس اڈ، ضلع کوئٹہ ٹی گچین کاری عمل اٹ تاخیر نا جاچ  ءِ ہلنگا

اسلام آباد۔ 16 مئی (اے پی پی) چیف الیکشن کمشنر سکندر سلطان راجہ نا کماشی ٹی سے شنبے نادے آ الیکشن کمیشن نا اہم ءُ دیوان اس اڈ ہلک ہراٹی ممبران الیکشن کمیشن آن بیدس ادارہ نا سینئر آفیسر آک ساڑی ئسر۔ دیوان اٹی الیکشن ءِ پاننگاکہ کوئٹہ  اسٹ انگا ضلع ء ِ ہراٹی داسکان الیکشن اڈتننگ متنے ہرانا سوب ٹاؤنز آتا ٹہیفپننگ ءِ۔ الیکشن کمیشن ءِ دا رداٹ داہم معلومدار کننگا کہ بلوچستان ہائی کورٹ مورخہ 23 اکتوبر 2022 آ سیکرٹری لوکل گورنمنٹ ءِ پرمان کریسس کہ بلوچستان لوکل گورنمنٹ ایکٹ نا رداٹ ضلع کوئٹہ ٹی ٹاؤن آتا ٹہیفنگ نا نوٹیفکیشن جاری کننگے، ولے پنچ تُو انا وخت گدرینگ انگ آن پد ہم ہندا نوٹیفکیشن و ایلو المی دستاویز (ہرا حلقہ بندی کن درکار ءُ) الیکشن کمیشن ءِ تننگ تنو ہرانا سوب آن داسکان کوئٹہ نا حلقہ بندی نا پورو مننگ کتنے۔ الیکشن کمیشن باندات نانوٹس ءِ ہلسا چیف سیکرٹری بلوچستا ن ءِ مورخہ 23 مئی 2023کن نوٹس جاری کرینے تانکہ باندات نا سماعت و ضلع کوئٹہ نا حلقہ بندی و الیکشن نا اڈتننگ ءِ پک کننگے۔