مدینہ منورہ ۔ 22مئی (اے پی پی) وزیراعظم محمد نواز شریف ریاض اٹی اولیکو امریکہ۔ عرب۔ اسلامی سروک کانفرنس اٹی بشخ ہلنگ آن پد روضہ رسول ﷺ آ حاضری کن دوشنبے نا دے مدینہ منورہ غا سرمس۔ وزیراعظم نا سلاہکار خارجہ امور سرتاج عزیز و قومی سلامتی نا سلاہکار لیفٹیننٹ جنرل (ر) ناصرخان جنجوعہ ہم اوڑتون اوار ءُ۔ وزیراعظم شاہ سلمان بن عبدالعزیز نا سلہ غا سعودی عرب نا مسہ دے ئی دورہ غاٹی ءِ۔ یات سلے کہ تدوک آ دے تینا بننگ آن دمدستی پد وزیراعظم اولیکو امریکہ۔عرب۔ اسلامی سروک کانفرنس اٹی بشخ ہلک۔ انتہاء پسندی و دہشت گردی نا انسداد نا مسخت نا حامل داکانفرنس اٹی امریکہ نا صدر ڈونلڈ ٹرمپ و مسلم امہ نا راہشون ساڑی ئسر ۔ وزیراعظم روزہ رسول ﷺ آ حاضری ایتک و مسجد نبوی ﷺ اٹی نفل اس ہم خوانک ۔ داوخت آ پاکستان نا شونداری و شونہالی کن خصوصی دعا ہم کننگک۔ وزیراعظم (اینو) سے شنبے نا دے پدی وطن آ رادہ مریک۔
