اسلام آباد۔ 16 مئی (اے پی پی ) بنجائی وزیر خزانہ و محصولات سینیٹر محمد اسحاق ڈار پارینے کہ پیٹرولیم مصنوعات نا نہاد آتیٹی کمتی نا کمک اٹ الس ءِ ریلیف فراوان کننگانے، نہاد آتیٹی کمتی نا فائدہ الس اسکان سرکننگ کن ننے غٹ ءِ تینا زمواری تے ادا کروئی مریک۔ سے شنبے نادے آ قومی اسمبلی ٹی گپ وتران کرسا اوپارے کہ حکومت نا پورو کوشست ءِ کہ تدوک آ حکومت نا زمواری تا درستگی ءِ کننگے و الس ءِ ریلیف تننگے۔ اینو آن پوسکن آ نہاد آتا تعین ءِ کننگانے و نہاد آتیٹی کمتی کننگانے۔ ڈیزل نا نہاد اٹی 30 روپئی و پیٹرول نا نہاد اٹی 12 روپئی نا کمتی کننگانے۔ ہندا وڑ بزغرآتا آسراتی کن لائٹ ڈیزل نا نہاد اٹی ہم کمتی کننگانے۔ وزیر خزانہ پارے کہ ڈیزل نا نہاد اٹی کم و ود 11 درسد کمتی مسنے۔ ٹرانسپورٹر آک کِراتیٹی کمتی کیر۔ صوبائی حکومت آتاہم زمواری ءِ کہ دانا فائدہ ءِ الس اسکان سرکننگ کن گام گیج کننگے ا دانا فائدہ مخلوق اسکان سرکننگ ننا غٹ انا زمواری ءِ۔
