اسلام آباد۔14مئی (اے پی پی): بنجاھی وزیر اھوالکاری ءُ شنگ کاری مریم اورنگزیب ءَ پی ٹی آئی چیئرمین عمران خان ءِ بیان ءَ را من اتگیں جرم ءِ نامینتگ ءُ گوشتگ کہ عمران خان ءَ سلاھ بندیں باسک آنی کمک ءَ ارش ، ناشرکاری ءُ جنگ ءُ چوپ ءِ ھوالگ ءَ سرجمیں رنگ ءَ سرپدی بوتگ ھمے وڑ کہ آئی ء عدت ءِ ساھت ءَ سور ءُ ٹیریان ءِ پت بوھگ ءِ ھوالگ ءَ سرپد نہ بوتگ۔ شرپ مندیں جاہ، ماڑی، ایمبولینس، سکول ، ہسپتال ، مسیت، دلوت آنی منڈی ءِ سر ءَ ارش ءُ شہید ءُ غازی آنی یات گیر آنی بے شرپی عمران خان ءِ منصوبگ بندی ءَ چہ بوتگ۔ یک شمبے ءِ روچ ءَ وتی بیان ءَ آئی ءَ گوشت کہ عمران خان مدام گوشگ ءَ بوتگ کہ ارش کنگی انت۔ آئی ءَ پہ زانت اے پندل ساچیتگ ءُ ارش کنائینتگ۔ بنجاھی وزیر ءَ گوشت کہ پاکستان ءِ درستاں چہ مستریں ناشرکار ملک ءِ سر ءَ ارش کناں آ وانی اے ماسٹر مائنڈ انت۔
