ریاض۔ 22مئی (اے پی پی) وزیراعظم محمد نواز شریف روزہ رسول ﷺآ حاضری کن دوشنبے نا دے داکان مدینہ منورہ غا رادہ مس۔ او شاہ سلمان بن عبدالعزیز نا سلہ غا سعودی عرب نا مسہ دے ئی دورہ غاٹی ءِ۔ یات سلے کہ یک شنبے نا دے تینا بننگ آن دمدستی پد وزیراعظم اولیکو امریکہ۔عرب اسلامی سروک کانفرنس اٹی شرکت کرے۔ انتہاء پسندی و دہشت گردی نا انسداد نا مسخت نا حامل دا کانفرنس اٹی امریکہ نا صدر ڈونلڈ ٹرمپ و مسلم امہ نا راہشونک بشخ ہلکر۔ وزیراعظم نا سلاہکار خارجہ امور سرتاج عزیز و قومی سلامتی نا سلاہکار لیفٹیننٹ جنرل (ر) ناصرجنجوعہ ہم وزیراعظم تون اوار ءُ ۔ او روزہ رسول آ حاضری ایتک و مسجد نبوی ٹی نفل اس ہم خوانک۔ داوخت آ پاکستان نا شونداری و شونہالی کن خصوصی دعاہم کننگک۔ وزیراعظم اینو(سے شنبے نا دے) وطن آ پدی رادہ مریک۔
