پاکستان  ءُ جمہوریہ  چیک ءِ نیام  ءَ دو نیمگی  تجارتی  کساس 300 ملین  ڈالر   ءَ  چہ   گیش  بوتگ،  جمہوریہ  چیک  ءِ سفیر   ءِ   اے  پی پی   ءَ را گلگدار

اسلام آباد۔14مئی (اے پی پی):پاکستان   ءَ  جمہوریہ  چیک  ءِ سفیر  تھوماس  سمیتنکا  ءَ  گوشتگ کہ پاکستان  ءُ  جمہوریہ  چیک  ءِ  نیام  ءِ دو  نیمگی    تجارتی  کساس  300 ملین  ڈالر  ءَ چہ  گیش  بوتگ انت  ءُ  دوئیں ملک آنی   اشکر  ءِ چاتاں  کار کنگ ءِ  صنعت  ءُ  کشت   ءُ  کشاری  شوبگ وڑیں جتا جتائیں   شوبگ  آنی  تہ ءَ  تجارت   ءَ را  ودینگ ءِ  ھوالگ ءَ دلگوشی   دیگ ءَ انت۔  جمہوریت   چیک  پاکستان  ءِ گوما وتی تاریخی  رابطہ   آناں ارزشت دنت،  جمہوریہ چیک  ءَ را  پاکستان  ءِ برآمداست  پاکستان  ءَ را  چیک     کتگیں   برآمدات  آں  چہ   کساس  چار سرئی  گیش انت۔  ٹیکسٹائل،  لب  ءُ گوازی آنی   پوشاک،  وردنی   ءُ ورگی  چیز،  چمڑا  ءِ   سامان  آنی    ھوالگ ءَ پاکستانی  برآمدات  باز گیش انت۔

اے پی پی  ءَ را ھاسیں  گلگدار  دیان ءَ   آئی ءَ گوشت کہ اے  بنیاتی  رد ءَ جی ایس  پی  پلس  تجارتی  کار رپک   ءَ را  سہرا  کنگ  ءِ سبب ءَ   بوتگ۔   ایشی  ءَ  یورپی  یونین  ءَ    را  پاکستانی  برآمدات  آنی  موہ  داتگ۔  آئی ءَ گوشت کہ تجارت  ءُ سرمایہ کاری  ءَ را ودینگ  ءِ واستہ  لستیں ڈل  پاکستان ءَ پیداک  انت۔  آ  اشکر ءِ چات آنی اندر ءَ   کار  کنگ ءِ  شوبگ ءَ  واھگ  دار انت۔ ھاسیں رنگ ءَ بلوچستان  ءَ ، چیا کہ جمہوریہ چیک  ءَ   اشکر ءِ چات آں کار  کنگ ءِ واستہ جوانیں  ٹیکنالوجیز  تیار  کنگ  بوتگ۔  جی ایس پی پلس  ءِ   گہتری  پاکستان ءِ بستار   ءِ  بابت ءَ یک  جستے  ءِ پسو ءَ   سفیر  ءَ گوشت کہ  آئی  ءَ  پاکستان    ءِ گوما  مئے  یکوئی   آناں دوئیں   وڑا ءَ  دیمروئی داتگ۔  

آئی  ءَ گوشتگ کہ پاکستان  ءَ  26  منوگری  آنی  منظوری  ءِ شرط   آناں  منت اتگ  ءُ پیلو  کتگ  ایش  جی ایس پی پلس اسٹیٹس  ءِ واستہ  شرط انت۔  ھمے  واستہ   اے گپ  ءِ   بزانت  ایش  انت کہ یورپی  پارلیمنٹ    ءِ باسک  آنی  چمشانک   ءَ   چے  پیسلہ  کناں۔  وانگ  ءُ زانگی    کمک  آنی بابت ءَ    تران  کنان ءَ آئی ءَ گوشت کہ  ” اے  وھد ءَ   چیک  ریپلک ء  دھ  سال  پیسرے  مقابلہ  ءَ دہ  سرئی  گیشتر پاکستانی  نودربر   ھمودا  ءَ وانگ ءَ انت۔  اے   نودربر  نامداریں  یونیورسٹی   آنی  تہءَ   جتا جتائیں  وظیفہ     ءِ سر ءَ  زانت  ءُ زانش  ھیل کنگ ءَ انت۔  آئی  ءَ گوشت کہ  چیک یونیورسٹی  پاکستانی یونیورسٹی آنی گوما   کمک  ءِ  منوگری   است انت  آئی  ءَ   جمہوریہ چیک ءُ پاکستانی یونیورسٹی  آنی  نیام ءَ  کارگس آنی وت مہ وتی   شریکداری   آناں گیش   کنگ ءِ  بابت ءَ زور  پر دسات۔  آئی  ءَ گوشت کہ سائنس  ءُ ٹیکنالوجی   ءُ  مزن وانگ ءُ زانگ      ءَ  بلدکاری  ءُ ازمکاریں  نودربر      پٹ ءُ پول  کنگ  کنگ  بوت  کنت۔   نیشنل  کالج آف آرٹس  این  سی اے  لاہور  ءِ کمک ءَ چہ  یک جاڑیگیں منصوبگ   ءِ مئے  تاریخ  ءُ  مئے  چاگرد   ءَ زالبلو  آنی کرد  ءَ را   ھم سہرا  کنت۔  پاکستان   ءَ موسمی  مٹ   ءُ بدلی  ڈکال  ءَ گوں   گر  ءُ  چیل  بوھگ     ءِ جمہوریہ   چیک    ءِ کرد  ءِ بابت  ءَ یک جستے ءِ  پسو  ءَ   آئی ءَ گوشت کہ  آئی  ءِ ملک  موسمی  مٹ  ءُ بدلی  رند  پد آنی  ھوالگ ءَ  دل  تپرکہ  انت۔     ءُ آئی  ءَ گرین  کلائمیٹ فنڈ”  ءَ وتی   بھر  مان  کتگ۔   آئی  ءَ گوشت  کہ  چیک کمپنی    آپ  ءِ   بند  ءُ بست ،   ھاک  ءِ  بند  ءُ بست  ءُ رکھینگ   ءُ برجائی  ءُ  ھرابیں   ھاپ   ءِ  بند ءُ بست  ءَ کمک   کت کنت۔  

چیک  ریپلک  ءَ پاکستانی  شہری  آنی   روزگار  ءِ موہ  آنی بابت ءَ آئی ءَ گوشت   کہ  ” ما  پاکستان  ءَ چہ  بلدکار،  لائک،  ءُ سائنسی  مردم آناں  ھوار   کنگ  ءِ   اوست   پٹ  ءُ پول  کنگ  ءَ آں۔  ویزا  پالیشی     ءِ ھوالگ ءَ تران  کنان  ءَ آئی    ءَ گوشت کہ   چیک  ریپلک    اے ملک  آںی تہ ءَ ھوار  نہ انت   ھما  کہ پاکستان    ءَ   پجگ  ءِ پد   ءَ  ویزار  در   جن انت۔  آئی ءَ امیت سہرا  کت کہ  چیک  شہری  آنی  آیگ ءِ پد ءَ   ویزا   ءِ  موہ  دیگ  بیت   ءَ چہ  سیل ءُ سواد   ءُ دود   ءُ ربیدگ ءَ مئے  کمک     ءُ    گیشی  بیت۔   آئی   ءَ گوشت کہ  جموریہ  چیک  پاکستا ن  ءِ گوما  وتی تاریخٰ    رابطہ  آناں   ارزشت  دنت۔   ءُ   ٹوھیں  کمک ءَ چہ   گل ءُ شات    بیت،   آئی ءَ گیش  گوشت کہ  دوئیں  ملک     آں    وتی سیاسی، اقتصادی   ءُ دیمپانی   کمک  آنی  تہ  ءَ    باز جوانیں   رنگ  ءَ یمروئی   داتگ۔