اسلام آباد۔ 22مئی (اے پی پی) مسلم لیگ (ن) نا راہشون دانیال عزیز پارینے کہ سپریم کورٹ اٹی عمران خان نا برخلاف منی ٹریل کیس و حنیف عباسی نا کنڈآن دائر کروک کیس اٹی تروک آ مہلت ئِ مسہ ہفتہ گدرینگانے ولے عمران خان نا کنڈآن عدالت اٹی منی ٹریل جمع کرفنگ تنے۔ سپریم کورٹ انا پیشن میڈیا تون ہیت وگپ کرسا اوپارے کہ عمران خان تینا برخلاف دائر کیس ئِ بِننگ کن عدالت اٹی پیش مفک و پاناما پیپرکیس انا سماعت اٹی سپریم کورٹ آ باقاعدگی اٹ بسکہ۔ مسلم لیگ (ن) نا راہشون میڈیا تون پارے کہ او عمران خان ئِ سپریم کورٹ ہن و برسا قوم ئِ ضرور نشان ایتر تانکہ قوم ئِ معلوم مرے کہ اوہم بایدے عدالت اٹی پیش مرے۔
