اسلام آباد۔ 11 مئی (اے پی پی) برطانیہ نا باسک پارلیمنٹ خالد محمود پارینے کہ بھارت جمہوری آخا، اقلیت آتا حق ءِ کنوک آ ملک ءِ، پارلیمنٹ نا باسک آک پنچ سال اکن گچین مریرہ کس اس امر اوفتے کشنگ نا ہیت ءِ کننگ کیک۔ داخیال آتا درشانی ءِ او پنچ شنبے نادے آ دستور پاکستان نا گولڈن جوبلی نا بابت جہانی کنونشن آن تران کرسا کرے۔ اوپارے کہ بھارت اقلیت آتا حق انا رکھ اٹی بے سہب مسنے، پاننگ کن جمہوریت آسان ءُ گڑاسے ولے حقیقت اٹ مشکل ءُ کاریم اسے۔ جمہوریت ءِ پہہ مننگ بنداوی آ گڑاءِ، آئین اٹ درج السی نمائندہ غاتا 5 سال انا مد آ عمل کروئی مریک۔ اوپارے کہ پارلیمنٹ نا باسک آک پنچ سال اکن گچین مریرہ کس اس اوفتے امر کشنگ نا ہیت ءِ کننگ کیک۔ برطانیہ ٹی ننتون ہچ ءُ نوشتہی آئین اس اف، بھارت اسُل جمہوری ملک اس اف، ہراتم کشمیری، سکھ، و بھارت اٹ دلت تپہ غان تعلق تخوک آتا ہیت مریک تو بھارت سنگین انسانی حق انا خلاف ورزی نا مرتکب خننگک۔ ای دامَننگ آن انکار کیوہ کہ بھارت اسہ جمہوری ءُ ملک اسے۔
