اسلام آباد۔ 11 مئی (اے پی پی) کرغزستان نا مندوب عطازوشیلوبک پارینے کہ پاکستان و کرغزستان نا نیام اٹ سیل و سوات جان جوڑی واپاری و زرگزرانی بشخ آتیٹی کمکاری نا مون آ دننگ کن کوشست کننگ اُن، کنونشن نا اڈتننگ آ اسپیکر قومی اسمبلی راجہ پرویز اشرف نا کوشست آتا ستاءِ کینہ۔ داخیال آتا درشانی ءِ او پنچ شنبے نادے آ دستور پاکستان نا گولڈن جوبلی نا جہانی کنونشن آن تران کرساکرے۔ اوپارے کہ پاکستان و کرغزستان نا نیام اٹ سیل و سوات ، جان جوڑی واپاری و زرگزرانی بشخ آتیٹی کمکاری نا مون آ دننگ کن کوشست کننگ اُن، ہڑتوم آ ملک آک زوت آتیٹ چارٹرآف کوآپریشن آ دستخط کرینو۔ اوپارے کہ ہڑتوم آ ملک آتا نیام اٹ زرکاری نا پوسکن آ وارخواہی تا ستاءِ کینہ، بیرہ گچین کاری ہی جمہوریت افک بلکن جمہوریت احتساب جانچ پڑتال و کانود نا حکمرانی ءِ۔
