APP03-100523 ISLAMABAD: May 10 - Speaker National Assembly Rajaj Pervez Ashraf in a group photo with the participants of International Constitutional Convention to Commemorate the Golden Jubilee of Constitution of Islamic Republic of Pakistan at Parliament House. APP/MAF/ABB/ZID

اسلام آباد۔ 10 مئی (اے پی پی) آئین پاکستان نا گولڈن جوبلی نا رداٹ اڈ ہلوک جہانی کنونشن نا بنائی دود اٹی درملکی مہمان آتیان بیدس ملک انا سیاسی و پارلیمانی سرکڑدہ غاک ہم بشخ ہلکر۔ چارشنبے نادے آ قومی اسمبلی ہال اٹی اڈ ہلوک آ دا کنونشن نا بنائی دود اٹی پی ڈی ایم نا سروک مولانا فضل الرحمان، محمود خان اچکزئی، اخترمینگل ، بنجائی وزیر کانود اعظم نذیر تارڑ تون اوار ایلوک ساڑی ئسر۔ قومی اسمبلی ہال ءِ چندی ملک آتیا بیرک آتے اٹ بیرفنگاسس۔ قومی اسمبلی ہال اٹی اسپیکر راجہ پرویز اشرف تون اوار سعودی عرب نا مجلس شوریٰ نا چیئرمین ڈاکٹر عبداللہ بن محمد ابراہیم الشیخ ہم اسٹیج آ تولوک ئسک۔ بنائی سیشن اٹی چاہ انا وقفہ غان مست اسپیکر راجہ پرویز اشرف ہال اٹی مہمان آتون عکس کشفے۔ کنونشن اٹی بشخ ہلنگ کن مسکوہی پارلیمنٹ نا باسک آتے ہم بٹنگاسس و باسک آتا اسہ بھلو کچ اس ہم ساڑی ئسر۔ داوخت آ بشخ ہلوک آک مہمان آتون عکس ہم کشفسا کریر۔

متعلقہ مضامینمصنف کی طرف سے مزید