اسلام آباد۔ 09 مئی (اے پی پی) قومی اسمبلی سیکرٹریٹ نا کنڈآن آئین نا گولڈن جوبلی نا رداٹ 10 و11 مئی آ اِرادے ئی جہانی کنونشن پارلیمنٹ ہاؤس اسلام آباد اٹی اڈ ہلنگ والا ءِ، جہانی کنونشن اٹی شرفمند آ مہمان تا بشخ ہلنگ کن بننگ نا چرجوئی برجاءِ، سعودی عرب، ایران، تاجکستان، آذربائیجان ، سری لنکا، کینیا، بیلجیئم ، شام و لبنان نا پارلیمانی ڈل آک اسلام آباد آ …
آئین نا گولڈن جوبلی نا رداٹ 10و11 مئی آ اِرادے ئی جہانی کنونشن پارلیمنٹ ہاؤس اسلام آباد اٹی اڈ ہلیک
اسلام آباد۔ 09 مئی (اے پی پی) قومی اسمبلی سیکرٹریٹ نا کنڈآن آئین نا گولڈن جوبلی نا رداٹ 10 و11 مئی آ اِرادے ئی جہانی کنونشن پارلیمنٹ ہاؤس اسلام آباد اٹی اڈ ہلنگ والا ءِ، جہانی کنونشن اٹی شرفمند آ مہمان تا بشخ ہلنگ کن بننگ نا چرجوئی برجاءِ، سعودی عرب، ایران، تاجکستان، آذربائیجان ، سری لنکا، کینیا، بیلجیئم ، شام و لبنان نا پارلیمانی ڈل آک اسلام آباد آ سرمسنو۔ سعودی عرب نا پارلیمانی ڈل چیئرمین مجلس شوریٰ ڈاکٹر عبداللہ بن محمد بن ابراہیم الشیخ نا کماشی ٹی پاکستان آ سرمس۔ ڈل انا ڈپٹی اسپیکر قومی اسمبلی زاہد اکرم درانی اسلام آباد بالی پٹ آ سعودی ڈل ءِ بخیر کرے۔ ڈپٹی اسپیکر قومی اسمبلی سعودی ڈل انا آئین نا گولڈن جوبلی نا رداٹ جہانی کنونشن اٹی بشخ ہلنگ آ سعودی ڈل انا منت واری ءِ ہرفے۔ ہڑتوم آ راہشونک ایلم ملک آتا نیام اٹ تعلقداری تے سوگو کننگ نا است خواہی نا درشانی ءِ کریر۔ پاکستان و سعودی عرب نا نیام اٹ تعلقداریک بھاز اہمیت تخرہ، ایران نا پارلیمانی ڈل ڈاکٹر وحید جلال زادہ سروک قومی سلامتی و خارجہ پالیسی کمیشن، ایرانی پارلیمنٹ نا کماشی ٹی اسلام آباد آ سرمس۔ قومی اسمبلی نا باسک سید علی موسیٰ گیلانی ایران نا پارلیمانی ڈل انا آئین نا گولڈن جوبلی کنونشن اٹی بشخ ہلنگ آ ڈل ءِ بخیر کرے۔ ڈپٹی اسپیکر عادل عابش نا کماشی ٹی آذربائیجان نا پارلیمانی ڈل ءِ بخیر قومی اسمبلی نا باسک/کنوینر ایس ڈی جیز رومینہ خورشید عالم کرے۔ آذربائیجان و پاکستان نا نیام اٹ ہڑتوم آ کنڈآتا تعلقداری متکن و دوستانہ ءُ، لبنان نا پارلیمانی ڈل لبنان نا ڈپٹی اسپیکر قاسم ہاشم نا کماشی ٹی اسلام آباد آ سرمس۔ لبنان نا پارلیمانی ڈل ءِ بخیر قومی اسمبلی نا باسک انجینئر صابر حسین قائم خانی و قومی اسمبلی نا باسک محمد خان ڈاھائسک کرینو، تاجکستان نا پارلیمانی ڈل ءِ قومی اسمبلی نا باسک ڈاکٹر شازیہ صوبیہ اسلم سومرو اسلام آباد بالی پٹ آ ڈل ءِ بخیر کرے۔ شام انا پارلیمانی ڈل جہانی کنونشن اٹی بشخ ہلنگ کن اسلام آباد آ سرمس، قومی اسمبلی نا باسک محمد خان ڈاھا اسلام آباد بالی پٹ آ ڈل ءِ بخیرکرے۔ کینیا و سری لنکا نا پارلیمانی ڈل گولڈن جوبلی نا رداٹ اڈ ہلوک جہانی کونشن اٹی بشخ ہلنگ کن اسلام آباد آ سرمسنو۔ قومی اسمبلی نا بڑزکو کمامدارآک کینیا و سری لنکا نا پارلیمانی ڈل ءِ اسلام آباد بالی پٹ آ بخیر کریر۔
