اینٹی نارکوٹکس فورس انا مچ آ ملک اٹی منشیات نا برخلاف کارروائی، منشیات دوئی

راولپنڈی۔ 09 مئی (اے پی پی) اینٹی نارکوٹکس فورس مچ آ ملک اٹی منشیات تور کارروائی تیٹی بھلو کچ اسے ٹی منشیات دوئی کرے۔ ترجمان نا رداٹ اے این ایف و اے ایس ایف اسلام آباد انٹرنیشنل بالی پٹ آ اسیجائی کارروائی ٹی بحرین آ ہنوک آ دوبہ داراسے نا ٹرالی بیگ آن 2 کلو 836 گرام آئس دوئی کرسا ایبٹ آباد نا ہنکینی دوبہ دار اسے دزگیرکریر۔ اسلام آباد سنگجانی ٹول پلازہ غا پیماز آن پُر مزدا ٹرک اسے آن 1 کلو 200 گرام چرس دوئی کرسا 2 دوبہ دار ءِ دزگیرکرے۔ سیالکوٹ اٹی واقع نجی کوریئر آفس اٹی بھلو کارروائی اسے ٹی نیوزی لینڈ و امریکہ غا گدریفوک آ پارسل آتیان 2 کلو 760 گرام آئس دوئی کننگا۔ دوئی مروک آئس آتے دستانہ غاتیٹی اودیم کننگاسس۔ لاہور اٹی واقع نجی کوریئر آفس اٹی لندن آن بروک پارسل آن 50 گرام ویڈدوئی کننگا۔ لاہور انٹرنیشنل بالی پٹ کارگو نا کمک اٹ آسٹریلیا غا مون تروک آ 182 ٹی شرٹ آتیٹی جزب مروک آئس دوئی کننگا۔ داکان بیدس اے این ایف و ایف سی نا خیبربرقمبر خیل اٹی اسیجائی کارروائی ٹی پلاسٹک نا تھیلہ غاتیان 24 کلو 400 گرام چرس دوئی کننگا۔ ترجمان اے این ایف پارے کہ دزگیر دوبہ دار آتا برخلاف منشیات تور ایکٹ نا رداٹ مقدمہ درج کرسا جاست وپاست نا بناءِ کننگانے۔