انقرہ۔ 22مئی (اے پی پی) ترک صدر رجب طیب اردوان جسٹس اینڈ ڈویلپمنٹ پارٹی نا چیئرمین گچین مس۔ ترک خبررساں ادارہ نا رداٹ انقرہ کنونشن سینٹر نا مون آ پارٹی نا مسٹ میکو ہڑدڑی لس دیوان آن تران کرسا صدر اردوان پارے کہ 998 دے آن پد اسہ وار ولدا نما مون آ ساڑی اُٹ۔ اوپارے کہ دا سفر ئِ برجاتخنگ نا وخت ئِ و نن مارچ 2019ٹی ہندی گچین کاری ، نومبر 2019ءٹی پارلیمانی و صدارتی گچین کاری تا وخت آ ہردرگہ غا کانہ، و تینا بارواٹی مروک آ ہیت وگپ انا ورندی ئِ بیلٹ بکس آ ایتنہ۔ داوخت آ ترک وزیراعظم یلدرم تینا تران اٹی پارے کہ جسٹس اینڈ ڈویلپمنٹ پارٹی نا دیوان اسہ میلہ اسے و داوخت آ نن پارٹی نا باسک آتا حیثیت اٹ بدلی نا وخت آتیان گدرینگ انگ اُن۔ ای صدر اردوان ئِ پارٹی ٹی بخیرٹ پاوہ۔ تران آن پد صدر رجب طیب اردوان و وزیراعظم بن علی یلدرم اسیجا ہال اٹی پترینگار و پارٹی باسک آتے سلام پیش کریر۔ دیوان اٹی صدر رجب طیب اردوان نا پارٹی چیئرمین گچین مننگ آن بیدس قواعد نا بدلی نا سلاہ غاہم ہیت وگپ کننگا۔
