اسلام آباد۔8مئی (اے پی پی): بنجاھی وزیر جان سلامتی عبدالقادر پٹیل ءَ گوشتگ کہ پولیو ءِ ھلاپ ءَ جنگ ءَ یکجا انت ءُ پولیو ءِ ھلاپ ءَ یکجائی کوشست جاڑی دار انت۔ دو شمبے ءَ وزارت ءِ نیمگ ءَ جاڑی بوتگیں بیان ءِ رد ءَ بنجاھی وزیر ءَ گوشتگ کہ پاکستان ءُ اوگانستان دگنیا ءَ دو ایوکیں ملک انت آھودا پولیو وائرس ساڑی انت ءُ ھمے واستہ دوئین آنی نیامءَ وائرس ءِ ٹرانسفر ءِ بیم مدام است ءُ برجا انت۔ وائرس ءِ موجود بوھگ نہ وشیں گپ ات الم پدا ھم وائرس ءِ زوت تسدیک ءَ چہ ما وتی زھگ آناں پولیو ءَ چہ رکھینگ ءِ واستہ المی ایں گامگیج کت کناں۔ آئی ءَ گوشت کہ خیبرپختونخوا ءِ ضلع پشاور ءُ ہنگو ءَ چہ گپتگیں ماحولیاتی سیمپل آنی تہءَپولیو وائرس ءِ تسدیک بوتگ۔ آئی ءَ اپیل کت کہ ماحول ءَ پولیو وائرس ءِ موجودگی ھمک زھگ ءِ واستہ بیم ات۔
