نارووال ءِ علم انا بستی اس جوڑ کننگ کنا تغ ئسک، یونیورسٹی آف نارووال اسہ روتہ و درخت اس جوڑ مسنے، احسن اقبال نا دود آن تران

نارووال۔ 08 مئی (اے پی پی) بنجائی وزیر شونداری وڈٹ بندی پروفیسر احسن اقبال پارینے کہ ننے علم انا معراج ءِ دوئی کروئی ءِ ہراقوم اٹی علم انا جستجو اف او غلامی ٹی رہینگک ننے علمی تحریک نا گرج ءِ ، یونیورسٹی آف نارووال نا طالب علم آک گچین لائخی تے اٹ تینا یونیورسٹی ناتعارف ءِ پیش کیر تانکہ مچ آ دنیا نا طالب علم آک داڑے داخلہ نا خواہندا رمریر، نارووال نا دھرتی گواہی ایتک کہ نن بروک آ چین تیکن تیاری کرینن۔ نارووال ءِ علم انا بستی اس جوڑ کننگ کنا تغ  ئسک و اینو کنکن خوشی نا دے اسے کہ پورو مننگ ءِ۔ داخیال آتا درشانی ءِ او یونیورسٹی نارووال نا 13 چندی ڈٹ آتا بنائی دود اٹی طالب علم آتیان تران کرسا کرے۔ پروفیسر احسن اقبال پارے کہ یونیورسٹی آف نارووال اسہ تناو درخت اس جوڑ مسنے و آب اٹ تعلیم چناتے اوفتا درگہ غا ملنگ ءِ کوشست کینہ نارووال یونیورسٹی نا بتیک 24 گھنٹہ لگسا خننگر۔ امریکہ و برطانیہ ٹی 24 گھنٹہ تدریسی عمل برجاسلک اگہ اللہ نا قرب ءِ دوئی کروئی ءِ تو قرآن نا تہہ آن ہم علم دوئی کننگ نا شعور ملک۔ ننے علم و پولکار ودی کننگ نا گرج ءِ۔