لندن۔7مئی (اے پی پی): مزن وزیر محمد شہباز شریف ءَ گوشتگ کہ پاکستان ءَ برطانیہ ءُ سکاٹ لینڈ ءِ گوما جوانیں یکوئی است انت، تجارت ، سرمایہ کاری، وانگ ءُ زانگ ءُ کزبی وانگ ءُ زانگ ءِ منصوبگ آنی تہ ءَ دو نیمگی یکوئی آناں گیش مھکم کنگ ءِ واستہ یکجائی ءَ کار بکن آں، باز زوتاں سرمایہ کاری کانفرنس ءَ را گوانک جناں، ایشی ءِ تہ ءَ سکاٹ لینڈ ءِ سرمایہ کار آناں دلگوش کنگ بیت ءُ روڈ شو ءِ بست ءُ بند کنگ بیت۔ ایشی ءِ تہ ءَ پاکستان ءِ جوانیں ھاٹیگ لءِ شوبگ آنی تہ ءَ ازمکاری ء بابت ءَ سکاٹ لینڈ ءِ سرمایہ کار آناں سرپدی پجاری کنگ بیت۔ عمران خان نیازی ءَ منی ھلاپ ءَ دروگیں بیان جوڑ کتگ ءُ ملک ءَ را بدنام کنگ ءِ کوشست کتگ، ایشی ءَ تہ ءَ پاکستان وشنام بوتگ۔ اے ھیالانی درشانی آئی ءَ یک شمبے ءِ روچ ءَ سکاٹ لینڈ ءِ فرسٹ منسٹر پاکستان ءِ لڈ ءُ بار کنوک بامرد حمزہ یوسف ءَ گوں گند ءُ نند ءَ پد میڈیا ءَ گوں تران کنان ءَ کت۔
