اسلام آباد۔7مئی (اے پی پی):پاکستان ءُ اوگانستان ءِ نیام ءَ ڈلی تک ءَ گند ءُ نند ءَ پاکستان اوگانستان یکوئی آں ھوار پڑے جاور ھال آنی سر ءَ ھیال ریچی کنگ بوت۔ درئی کارانی کارگس ءِ نیمگ ءَ جاڑی بوتگیں بیان ءِ رد ءَ وزیر ءِ درئی کار بلاول بھٹو زرداری ءَ اوگان وزیر ءِ درئی کار مولوی امیر خان متقی ءِ سروکی ءَ اوگان ڈل ءِ درئی کارگس ءَ آیگ ءِ پد ءَ اش اتک کت۔ وزیر ءِ درئی کار ءِ سروکی ءَ ڈل ءِ تک ءَ سول ءُ تران کنگ بوت۔ پاکستان ءِ نیمگ ءَ چہ وزیر ءِ درئی کار بلاول بھٹو زرداری ءَ سروکی کت۔ اوگان وزیر ءِ درئی کار امیر خان متقی ءِ سروکی ءَ اوگان ڈل سول ءُ تران ءَ ھوار بوت۔ سول ءُ تران ءَ دو نیمگی کار آنی سر ءَ ھیال ریچی کنگ بوت۔
