راولپنڈی ۔7مئی (اے پی پی):آرمی چیف جنرل عاصم منیر ءَ ناشرکاری ءُ جنگ ءُ چوپ ءِ یکجائی جیڈھ آناں جوانیں رپک ءَ گوں گر ءُ چیل بوھگ ءِ واستہ پاکستان ءُ اوگانستان ءِ نیام ءَ کمک آناں ودینگ ءِ ضلورت ءِ سر ءَ زور پر داتگ۔ یک شمبے ءِ روچ ءَ آئی ایس پی آر ءِ نیمگ ءَ جاڑی بوتگیں بیان ءِ رد ءَ آرمی چیف جنرل عاصم منیر ءَ گوں ادرُکی اوگان وزیر برائے درئی کار امیر خان متقی ءَ آئی ءِ کارگس گوں گند ءُ نند کت۔ آرمی چیف ءُ اوگان ادارُکی وزیر درئی کار ءَ وت مہ وتی واھگی کار آنی ھوالگ ءَ ھیال ریچی کت ۔ اے کار آنی تہ ءَ دمگی سلامتی ، بارڈر منیجمنٹ ءُ استیں سیکورٹی ءِ کار آنی تہ ءَ اوگان ادارُکی حکومت ءِ نیمگ ءَ سرجمیں کمک ءُ جزم ءِ ضلورت ءِ درشان کت۔ وزیر ءِ درئی کار امیر خان متقی ءَ اوگان الس آنی واستہ پاکستان ءِ مدامیگیں کمک آنا ساڑات ءُ اے ارزشتی ایں کرد ءِ توسیپ کت ایش پاکستان اوگانستان ءَ ایمنی ءُ دیمروئی ءَ کمکاری ءِ واستہ کرد پیلو کنگ ءَ انت۔ آئی ءَ دمگی برجائی ءُ وشھالی ءِ دیمروئی ءِ ھاترا پاکستان ءِ گوما یکجا بوھگ ءُ کار کنگ ءِ واھشت درشان کت۔ دوئیں پریک آں دو نیمگی یکوئی آناں گیش مھکم ءُ یکجائی نہ وشیں جیڈھ آنی گیوار کنگ ءِ واستہ یک شلیں رابطہ آناں برجا دارگ ءِ ارزشت ءِ سر ءَ تپاک کت۔ آرمی چیف ءَ یک برجمیں ، ایمنیں ء وشھالیں اوگانستان ءِ واستہ پاکستان ءِ جزم ءِ درشان کت۔
