توان  ءِ  نیاد آیوکیں  ماہ آنی تہءَ  گیش  بوھگ ءِ اچ  اوست ءُ امیت  نیست انت،   گوزوکیں  ماہ ءِ ساھت ءَ  مزن وزیر   جیونی  ٹرانسمیشن   لائن ءِ  بنگیج  ءَ  کنت،  بنجاھی وزیر  خرم دستگیر   ءِ   گشتانک

لاہور۔5مئی  (اے پی پی):بنجاھی وزیر  ھاٹیگ  انجینئر خرم دستگیر ءَ گوشتگ کہ  توان ءِ نیام آنی  تہءَ گیشی   آیوکیں ماہ آنی تہءَ  گیشی ءِ اچ اوست ءُ امیت نیست انت،  220  کلومیٹر  ءِ   پراھ  ءُ شاھیگانیں 15 ارب  کلدار ءِ  کچ ءُ کساس  ءَ چہ  تھر مٹیاری  ٹرانسمیشن  لائن  سرجم کنگ بوتگ، آیوکیں   وھد ءَ ملکءَ امپورٹڈ  آسراتی   آں چہ توان  ءِ پیداک   کنگ نہ بیت،  استیں حکومت ءَ یک سالے  ءِساھت ءَ   سسٹم ءَ سئے  ہزار   میگاواٹ   توان   ھوار  کتگ،  گوزوکیں ماہ  ءِ ساھت ءَ   مزن وزیر  جیونی  ٹرانسمیشن  لائن  ءِ    بنگیج ءَکنت۔ اے ھیالانی درشانی آئیءَ آدینگ ءِ روچ ءَ     واپڈا  ہاؤس  لاہور  ءَ  پریس کانفرنس  ءَ گوں  گشتانک دیان ءَ کت۔  وزیر ءِ ھاٹیگ  ءَ گوشت کہ الس   ءَ را   سستائیں  توان   پجاری  کنگ  مئے  اول سرئی کار آنی تہءَ ھوار  انت ءُ استیں حکومت    ءِسرجمیں کوشست  بوتگ کہ الس  ءِ سر ءَ کم  ءَ چہ  کم   بار لڈگ  بہ  بیت۔  آئی  ءَ گوشت کہ  توان ءِ  لوٹ  ءَ را   پیلو  کنگ ءِ واستہ   15  ارب   کلدار ءِ   کساس ءَ چہ  تھر مٹیاری  ٹرانسمیشن  لائن  ریکاٹیگیں  وھد ءُ پاس ءَ چہ  سرجم کنگ بوتگ۔   آئیءَ گوشت کہ   اے  منصوبگ ءَ را سرجم کنگ ءِ  واستہ  مزن وزیر محمد شہباز شریف ءَ من ءَھاسیں  پنت ءُ شون کتگ  ءُ وزارت ءِ ھاٹیگ  ءَ  دو ماہ ءَ  نیم ءِکچ ءُ  کساس ءَ چہ   اے منصوبگ  ءَ را  سرجم  کتگ   ایشی ءَ  چہ  چار لائن  220  کلومیٹر   ءَ  تاں  چیرگیجگ  بوتگ انت  ایش ھواریںرنگ ءَ  880  کلومیٹر  جوڑ  بنت۔