اسلام آباد۔ 22مئی (اے پی پی) محکمہ موسمیات نا رداٹ بروک آ 24گھنٹہ ٹی ملک انا گیشتر علاقہ غاتیٹی موسم باسن و پِرکپک ولے مالاکنڈ ، ہزارہ ، سرگودھا ڈویژن ، بڑزکو فاٹا، کشمیر و اونا ایب و کیب مشی آ علاقہ غاتیٹی گڑاس ہند آتیا ترند تہو و ہورہ و گروک تون ہلکا پِر انا گمان ئِ۔ رپورٹ نا رداٹ گدرینگوک آ 24گھنٹہ ٹی ملک انا گیشتر علاقہ غاتیٹی موسم باسن و پِر کتو وخت ا س کہ پنجاب، فاٹا ٹی جاگہ جاگہ مالاکنڈ ، ہزارہ ڈویژن و کشمیر اٹی گڑاس ہند آتیا ترند تہو و ہورہ و گروک تون پِر مس۔ غٹ آن زیات پِر پارہ چنار اٹی 24ملی میٹر، سیالکوٹ13، جوہرآباد12، ساہیوال09، میانوالی08، لاہور، گوجرانوالہ 06، سرگودھا05، قصور 04، اوکاڑہ 02، ڈی جی کان اسٹ، راولاکوٹ14، گڑھی دوپٹہ 06، میر کھانی 02، دوروش، دیر و بالاکوٹ اٹی اسہ ملی میٹر ریکارڈ کننگا۔
