اسلام آباد۔ 05 مئی (اے پی پی) صدر مملکت ڈاکٹر عارف علوی شہید آتا وطن کن خذمت و قربانی آ اوفتے شاندار لوز آتیٹی خراج عقیدت پیش کرینے۔ جمعہ نادے آ ایوان صدر نا پریس ونگ آن جاری بیان نا رداٹ صدر مملکت پاک فوج انا شہید آتا خاہوت آتے ٹیل فون کرسا اوفتے تون است ہسونی نا درشانی ءِ کرے۔ ڈاکٹر عارف علوی 28 اپریل آ لکی مروت اٹی شہید مروک آ پاک فوج انا ورناتا وارث آتون فون آ ہیت کرے۔ صدر مملکت نائب صوبیدار تاجمیر، حوالدار ذاکر احمد و سپاہی عابد حسین نا خاہوت آتون گپ وتران کرے۔ صدر مملکت شہید آتافرض ا تون لگن و وطن تون مہرومریبت آ اوفتے سلام پیش کرے۔ اوقوم انا کنڈآن شہید آتا خاہوت آتا منت واری ءِ ہرفے۔ صدر مملکت شہید آتا درجہ غاتا بڑزی کن دعا کرسا خاہوت آتون ہمدردی کرے و اوفتے کن صبر وجمیل نا دعاکرے۔
