اسلام آباد۔ 05 مئی (اے پی پی) وزیراعظم نا سلاہکار انجینئر امیر مقام نا دودوربیدگی میلہ ٹی بشخ ہلنگ کن ازبکستان نا دارالحکومت تاشقند آ سرمننگ آ اودے جم و جوش اٹ بخیرکننگا۔ وزیراعظم پاکستان نا سلاہکار سیاسی، السی امور، قومی میرات و دودوربیدگ انجینئر مقام 6 آن 9 مئی اسدکان اڈ ہلوک آ دودوربیدگی میلہ ٹی بشخ ہلنگ کن ازبکستان نا دارالحکومت تاشقند آ سرمسنے۔ تاشقند آ سرمننگ آ ازبکستان نا دودوربیدگ و سیل و سوات نا نائب اول وزیر اولگ بیک اعظموف و پاکستانی سفارت خانہ نا ڈی ایچ سی رمضان صاحب تون اوار ایلو سینئر کمامدارآک وزیراعظم نا سلاہکار انجینئر امیر مقام ءِ اونا بننگ آ بخیر کریر۔ وزیراعظم نا سلاہکار انجینئر امیر مقام، ازبکستان نا صدر شوکت مرزیوئیف و ازبکستان نا وزیر دودوربیدگ نا سلہ غا دودوربیدگی میلہ ٹی بشخ ہلنگ اٹی ءِ۔ ازبکستان اٹی تینا اڈ کننگ نا وخت آ بڑزکو سرکاری کمامدارآتون اوڑدہی ہم کیک۔
