لیبیا ٹی پاکستانی اسکول اٹی نئے بیرہ پاکستانی کمیونٹی بلکن ہندی چناک ہم تعلیم دوئی کیرہ، رانا تنویر حسین

اسلام آباد۔ 05 مئی (اے پی پی) سینیٹر مشتاق احمد نا سوج آ  سینیٹ ءِ پاننگانے کہ لیبیا ٹی پاکستانی اسکول اٹی نئے بیرہ پاکستانی کمیونٹی بلکن ہندی چناک ہم تعلیم دوئی کیرہ۔ جمعہ نا دے آ سینیٹ نا دیوان اٹی سینیٹر مشتاق احمد نا سوج انا ورندی ٹی وزیر بنجائی تعلیم و کسبی تربیت رانا تنویر حسین پارے کہ لیبیا ٹی پاکستانی اسکول اٹی تعلیمی سال 2021-22اٹی 1914چناوخت اس کہ 2022-23اٹی 1823 چناک داخلہ ہلکر۔ اسکول نا خڑچ آتے قومی خزانہ غان اداکننگپک بلکن اسکول  انتظامیہ تینٹ پورو کیک۔ اوپارے کہ تجربہ کار  بندغ اسے اسکول نا پرنسپل تعینات کننگانے۔